Shyǵys Qazaqstan oblysy Ridder qalasynda besqabatty úiden órt shyǵyp, 20 adam, onyń ishinde 5 bala evakýatsiialandy, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, 16 maýsymda qutqarýshylarǵa kópqabatty turǵyn úidegi páterlerdiń biri órtenip jatqany týraly habar túsken.
Órt sóndirýshiler oqiǵa ornyna dereý jol tartty.
«Belgili bolǵandai, besinshi qabatta ornalasqan páterde ot shyqqan. Qutqarýshylar jalyndy sóndirýge kirisip, podezden turǵyndardy evakýatsiialady. Gaz-tútinnen qorǵaý qyzmetiniń mamandary jalpy sany 20 adamdy, onyń ishinde 5 balany qaýipsiz jerge kóshirdi», - dep habarlady vedomstvo ókilderi.
Órtti birinshi bolyp baiqap qalǵan páter iesiniń anasy qutqarýshylardy shaqyrǵan.
Ol jalyn sharpyǵan páterden 2 nemeresin alyp shyqty.
«Órt sóndirýshiler 13 sharshy metr aýmaqty sharpyǵan tilsiz jaýdy aýyzdyqtady. Qyzyl jalynnyń shyǵýyna – tońazytqyshtyń apattyq rejimi sebep bolǵan. Qaza bolǵandar men zardap shekkender joq», - delingen aqparatta.
