رەسپۋبليكالىق بيۋدجەت ٶڭٸرلەردەگٸ مەملەكەتتٸك باعدارلامالاردى قولداۋعا باعىتتالعان شىعىنداردى جىل باسىنان باستاپ 77%-عا ارتتىردى. بارلىق ماقساتتى ترانسفەرتتەردٸڭ جارتىسىنان استامى بيىلعى جىلى ٷش ٶڭٸرگە بٶلٸنەدٸ: استانا, الماتى جەنە وڭتٷستٸك قازاقستان وبلىسى, دەپ حابارلايدى ffinprom.kz.
2017 جىلى ٶڭٸرلەردەگٸ باعدارلامالاردى دامىتۋدى قولداۋعا باعىتتالعان رەسپۋبليكالىق بيۋدجەت قاراجاتى 41%-عا ارتىپ, 545,1 ملرد تەڭگەنٸ قۇرايتىن بولادى. سونىڭ ٸشٸندە 109,3 ملرد تەڭگە «نۇرلى جەر» باعادارلاماسى بويىنشا - تۇرعىن ٷي قورىن, 104,3 ملرد تەڭگە - مەكتەپتەگٸ بٸلٸمدٸ دامىتۋعا جەنە 71 ملرد تەڭگە ورتاق قولدانىستاعى اۆتوكٶلٸك جولدارىنىڭ ساپاسىن جاقسارتۋعا جۇمسالادى.
اعىمداعى جىلدىڭ تٶرت ايىندا 142 ملرد تەڭگە بٶلٸندٸ, بۇل بىلتىرعى جىلدىڭ وسى كەزەڭٸمەن سالىستىرعاندا 77% ارتىق. 2017 جىلى استاناعا بٶلٸنەتٸن 206,4 ملرد تەڭگە بىلتىرعى جىلمەن سالىستىرعاندا 2,5 ەسەگە كٶپ. ولاردىڭ 47,6 ملرد تەڭگەسٸ جولدار مەن ٶڭٸردەگٸ تۇرعىن ٷيلەردٸڭ دامۋىنا باعىتتالدى. الماتىعا بٶلٸنگەن قاراجات كٶلەمٸ كەرٸسٸنشە, 37%-عا قىسقارىپ, بىلتىرعى جىلمەن سالىستىرعاندا 46,9 ملرد تەڭگەگە ازايدى. وڭتٷستٸك قازاقستان وبلىسىنا بٶلٸنەتٸن ترانسفەرتتەر 2 ەسەگە ارتىپ, 42,2 ملرد تەڭگەنٸ قۇرادى.
2017 جىلدان باستاپ رەسپۋبليكالىق بيۋدجەتتەن بٶلٸنەتٸن سۋبۆەنتسييالاردىڭ كٷرت ارتقاندىعىن بايقاۋعا بولادى. ەگەر بىلتىرعى جىلى ولاردىڭ سوماسى 836,9 ملرد تەڭگەنٸ قۇراسا, بيىل 1,5 ترلن تەڭگە (+78%) كٶلەمٸندە باعالانۋدا. اعىمداعى جىلدىڭ باستاپقى تٶرت ايىندا بيۋدجەتتەن 423,3 ملرد تەڭگە بٶلٸندٸ, بۇل بىلتىرعى جىلدىڭ وسى كەزەڭٸندەگٸ قارجىلاندىرۋ كٶلەمٸنەن 55% ارتىق.
سۋبۆەنتسييالاردى رەسپۋبليكانىڭ 16 ٶڭٸرٸنٸڭ 12-سٸ (الماتى, استانا, ماڭعىستاۋ, اتىراۋ وبلىستارىنان باسقا) الادى. ونىڭ باسىم بٶلٸگٸ, ياعني 85,8 ملرد تەڭگەسٸ وڭتٷستٸك قازاقستان وبلىسىنا تيەسٸلٸ.
.jpeg)