فوتو: Bes.media
قوعامدىق ساياسات ينستيتۋتى جٷرگٸزگەن ساۋالناما قازاقستان رەسپۋبليكاسىنىڭ جاڭا كونستيتۋتسيياسى جوباسى جٶنٸندە حالىقتىڭ حاباردارلىق دەڭگەيٸ جوعارى ەكەنٸن كٶرسەتەدٸ.
«قازاقستان رەسپۋبليكاسىنىڭ جاڭا كونستيتۋتسييا جوباسى تۋرالى ەستٸدٸڭٸز بە?» دەگەن ساۋالناما سۇراعىنا رەسپوندەنتتەردٸڭ 87,5%-ى قۇجاتپەن بەلگٸلٸ بٸر دەڭگەيدە تانىس ەكەنٸن بٸلدٸرگەن: ولاردىڭ 34,2%-ى مازمۇنىن جاقسى بٸلەتٸنٸن ايتسا, تاعى 53,3%-ى جوبا تۋرالى ەستٸگەنٸن, بٸراق ەگجەي-تەگجەيٸمەن تانىس ەمەس ەكەنٸن جەتكٸزگەن. سونىمەن قاتار, ساۋالناماعا قاتىسقانداردىڭ 12,5%-ى بۇل تۋرالى ەشتەڭە ەستٸمەگەنٸن مەلٸمدەگەن.
جاڭا كونستيتۋتسييا جوباسىن قولداۋ دەڭگەيٸ («بۇقارالىق اقپارات قۇرالدارىندا جاڭا كونستيتۋتسييا جوباسى جارييالاندى. سٸز وسى جوبانى قولدايسىز با?») ايتارلىقتاي جوعارى. ساۋالناماعا قاتىسقانداردىڭ 86,5%-ى جارييالانعان جوبانى قولدايدى: 48,4%-ى ۇسىنىلعان ٶزگەرٸستەردٸ تولىقتاي قۇپتايدى, ال 38,1%-ى جەكەلەگەن باپتارى مەن ەرەجەلەرٸن ماقۇلدايدى. سونىمەن بٸرگە قۇجات مەتٸنٸمەن جاقسى تانىس رەسپوندەنتتەر اراسىندا قولداۋ دەڭگەيٸ اقپاراتتانۋ دەڭگەيٸ تٶمەن توپتارمەن سالىستىرعاندا ەدەۋٸر جوعارى ەكەنٸ بايقالادى.
رەفەرەندۋمعا ىقتيمال قاتىسۋ دەڭگەيٸ 70,7% كٶلەمٸندە باعالانادى («سٸز جاڭا كونستيتۋتسييا جوباسى بويىنشا ٶتەتٸن رەفەرەندۋمعا داۋىس بەرۋگە باراسىز با?»). سونىمەن قاتار, رەسپوندەنتتەردٸڭ 11,6%-ى داۋىس بەرۋگە قاتىسۋدى جوسپارلامايتىنىن بٸلدٸرسە, 17,7%-ى ەلٸ ناقتى شەشٸم قابىلداماعان.
«جاڭا كونستيتۋتسييا جوباسىندا كٶرسەتٸلگەن تٶمەندەگٸ باپتار مەن نورمالاردى سٸز قولدايسىز با, ەلدە قولدامايسىز با?» دەگەن سۇراققا بەرٸلگەن جاۋاپتارعا سەيكەس, جوبا نورمالارىنىڭ ٸشٸندە ەڭ جوعارى قولداۋعا يە بولعاندار: تابيعاتقا ۇقىپتى قاراۋ قاعيداتىن بەكٸتۋ (94,3%), مەدەنيەت پەن بٸلٸم, عىلىم مەن يننوۆاتسييا قۇندىلىقتارىن بەكٸتۋ (87,8%), سونداي-اق تسيفرلىق ورتادا ازاماتتاردىڭ جەكە دەرەكتەرٸن قورعاۋ (87,7%). اتالعان ەرەجەلەرگە قاتىستى وڭ كٶزقاراس بارلىق ەلەۋمەتتٸك توپتاردا كٶرسەتٸلٸپ وتىر.
ساۋالنامانى قوعامدىق ساياسات ينستيتۋتى «AMANAT» پارتيياسىنىڭ تاپسىرىسى بويىنشا ۇلتتىق رەپرەزەنتاتيۆتٸ ٸرٸكتەمە نەگٸزٸندە 9–18 اقپان ارالىعىندا جٷرگٸزدٸ. ٸرٸكتەمە كٶلەمٸ – 18 جاستان اسقان 8000 رەسپوندەنت (17 وبلىس, استانا, الماتى, شىمكەنت قالالارى). ٸرٸكتەمە قاتەلٸگٸ – ±1,19%. دەرەكتەردٸ جيناۋ ەدٸسٸ – جاپپاي ساۋالناما (face-to-face). ساۋالناما قازاقستان رەسپۋبليكاسىنىڭ ورتالىق سايلاۋ كوميسسيياسىن جازباشا حاباردار ەتۋ ارقىلى, قازاقستان رەسپۋبليكاسىنىڭ «رەسپۋبليكالىق رەفەرەندۋم تۋرالى» كونستيتۋتسييالىق زاڭىنا سەيكەس ٶتكٸزٸلدٸ.
