Foto: Bes.media
Qoǵamdyq saiasat institýty júrgizgen saýalnama Qazaqstan Respýblikasynyń jańa Konstitýtsiiasy jobasy jóninde halyqtyń habardarlyq deńgeii joǵary ekenin kórsetedi.
«Qazaqstan Respýblikasynyń jańa Konstitýtsiia jobasy týraly estidińiz be?» degen saýalnama suraǵyna respondentterdiń 87,5%-y qujatpen belgili bir deńgeide tanys ekenin bildirgen: olardyń 34,2%-y mazmunyn jaqsy biletinin aitsa, taǵy 53,3%-y joba týraly estigenin, biraq egjei-tegjeiimen tanys emes ekenin jetkizgen. Sonymen qatar, saýalnamaǵa qatysqandardyń 12,5%-y bul týraly eshteńe estimegenin málimdegen.
Jańa Konstitýtsiia jobasyn qoldaý deńgeii («Buqaralyq aqparat quraldarynda jańa Konstitýtsiia jobasy jariialandy. Siz osy jobany qoldaisyz ba?») aitarlyqtai joǵary. Saýalnamaǵa qatysqandardyń 86,5%-y jariialanǵan jobany qoldaidy: 48,4%-y usynylǵan ózgeristerdi tolyqtai quptaidy, al 38,1%-y jekelegen baptary men erejelerin maquldaidy. Sonymen birge qujat mátinimen jaqsy tanys respondentter arasynda qoldaý deńgeii aqparattaný deńgeii tómen toptarmen salystyrǵanda edáýir joǵary ekeni baiqalady.
Referendýmǵa yqtimal qatysý deńgeii 70,7% kóleminde baǵalanady («Siz jańa Konstitýtsiia jobasy boiynsha ótetin referendýmǵa daýys berýge barasyz ba?»). Sonymen qatar, respondentterdiń 11,6%-y daýys berýge qatysýdy josparlamaitynyn bildirse, 17,7%-y áli naqty sheshim qabyldamaǵan.
«Jańa Konstitýtsiia jobasynda kórsetilgen tómendegi baptar men normalardy siz qoldaisyz ba, álde qoldamaisyz ba?» degen suraqqa berilgen jaýaptarǵa sáikes, joba normalarynyń ishinde eń joǵary qoldaýǵa ie bolǵandar: tabiǵatqa uqypty qaraý qaǵidatyn bekitý (94,3%), mádeniet pen bilim, ǵylym men innovatsiia qundylyqtaryn bekitý (87,8%), sondai-aq tsifrlyq ortada azamattardyń jeke derekterin qorǵaý (87,7%). Atalǵan erejelerge qatysty oń kózqaras barlyq áleýmettik toptarda kórsetilip otyr.
Saýalnamany Qoǵamdyq saiasat institýty «AMANAT» partiiasynyń tapsyrysy boiynsha ulttyq reprezentativti irikteme negizinde 9–18 aqpan aralyǵynda júrgizdi. Irikteme kólemi – 18 jastan asqan 8000 respondent (17 oblys, Astana, Almaty, Shymkent qalalary). Irikteme qateligi – ±1,19%. Derekterdi jinaý ádisi – jappai saýalnama (face-to-face). Saýalnama Qazaqstan Respýblikasynyń Ortalyq sailaý komissiiasyn jazbasha habardar etý arqyly, Qazaqstan Respýblikasynyń «Respýblikalyq referendým týraly» Konstitýtsiialyq zańyna sáikes ótkizildi.
