كوروناۆيرۋس ٶرشٸگەن قىتايدىڭ حۋبەي پروۆينتسيياسىنان رەسەي فەدەراتسيياسىنىڭ ازاماتتارىن ەۆاكۋاتسييالاۋعا دايىنداۋ جۇمىستارىنا قاتىسقان رەسەيلٸك ەكٸ ديپلومات ەكٸاپتالىق كاراتينگە جاتقىزىلادى. بۇل تۋرالى جۇما كٷنٸ قحر-داعى رەسەي ەلشٸسٸ اندرەي دەنيسوۆ تٸلشٸلەرگە ايتىپ, ديپلوماتتار كارانتيندە ەلشٸلٸك اۋماعىندا بولاتىنىن مەلٸم ەتتٸ, دەپ حابارلايدى تاسس.
ەلشٸنٸڭ ايتۋىنشا, ديپلوماتتار ۋحانعا رەسەيلٸكتەردٸ ەۆاكۋاتسييالاۋ شاراسىنا شۇعىل جەتەكشٸلٸك ەتۋ ٷشٸن بارعان. «ولاردىڭ (رف ازاماتتارىنىڭ) سول جاقتا بولۋىن ۇيىمداستىرۋ, سۋمەن, قاراپايىم تاعاممەن قامتاماسىز ەتۋ كەرەك بولدى. وسىنىڭ بارلىعىن ەلشٸلٸكتٸڭ ەكٸ قىزمەتكەرٸ جاسادى», - دەدٸ ول.
«ولار بٷگٸن نەمەسە ەرتەڭ تاڭەرتەڭمەن بەيجٸڭگە قايتۋى كەرەك. سول جاقتا وقشاۋلانعان عيمارات بار, ولارعا بەرٸن دايىنداپ قويدىق: سۋ, ينتەرنەت, تەلەديدار, ٷيگە ارنالعان اياق-كيٸمدەر, توڭازىتقىشتا ازىق-تٷلٸك بار», - دەپ حابارلادى ەلشٸ.
«قىتاي بيلٸگٸ 2019 جىلدىڭ جەلتوقسان ايىنىڭ سوڭىندا حۋبەي پروۆينتسيياسىنىڭ ۋحان قالاسىندا 2019-nCoV ۆيرۋسىنان پايدا بولعان جاڭا پنەۆمونييا تٷرٸن تٸركەدٸ. قحر-دان بٶلەك, ينفەكتسييانى 24 ەلدٸڭ ازاماتتارى جۇقتىرعانى انىقتالدى, ونىڭ ٸشٸندە رەسەي دە بار. دٷنيەجٷزٸلٸك دەنساۋلىق ساقتاۋ ۇيىمى ٸندەتكە بايلانىستى حالىقارالىق دەرەجەدەگٸ تٶتەنشە جاعداي جارييالاپ, ونى وشاعى كٶپ ەپيدەمييا دەپ سيپاتتادى. سوڭعى مەلٸمەتتەر بويىنشا, قىتايدا اۋرۋ جۇقتىرعاندار سانى 31,1 مىڭ ادامنان استى, 630 ادام مەرت بولدى, 1,5 مىڭنان استامى ساۋىقتى», - دەپ جازادى تاسس.
رف ەلشٸلٸگٸنٸڭ باعالاۋى بويىنشا, حۋبەي پروۆينتسيياسىندا رەسەيدٸڭ 341 ازاماتى بولعان, ولاردىڭ 183-ٸ ديپلوماتتارمەن بايلانىسقا شىقتى. 5 اقپان كٷنٸ رەسەي ەسكەري-عارىش كٷشتەرٸنٸڭ ەكٸ بورتى ۋحان قالاسىنان 144 ادامدى تٷمەنگە جەتكٸزدٸ. ولاردىڭ 128-ٸ رەسەيلٸك, جەنە ەاەو پەن ۋكراينا ازاماتتارى بار. رف باس سانيتارلىق دەرٸگەرٸ اننا پوپوۆانىڭ حابارلاۋىنشا, رەسەيگە ەۆاكۋتسييالانعان ازاماتتار ٶزدەرٸن جاقسى سەزٸنەدٸ, ولاردا كوروناۆيرۋستىڭ جاڭا تٷرٸنٸڭ بەلگٸلەرٸ جوق.
