رەسەيدٸڭ قارا تەڭٸز فلوتىنىڭ فلاگمانى سانالاتىن "موسكۆا" زىمىراندىق كرەيسەرٸ تەڭٸزگە باتىپ كەتتٸ. بۇل تۋرالى رەسەي فەدەراتسيياسىنىڭ قورعانىس مينيسترلٸگٸ مەلٸمدەدٸ, - دەپ حابارلايدى Tengrinews.kz.
ۆەدومستۆو مەلٸمەتٸنشە, "وق-دەرٸلەر جارىلۋىنان ٶرت كەزٸندە كورپۋس زاقىمدالۋىنا بايلانىستى" كەمە بٸر ورىندا تۇرا الماي, ونى سٷيرەۋ كەزٸندە "داۋىلدى تەڭٸز جاعدايىندا" باتىپ كەتكەن. بۇعان دەيٸن رف قورعانىس مينيسترلٸگٸ كرەيسەر ەكيپاجى ايماقتا بولعان فلوت كەمەلەرٸنە ەۆاكۋاتسييالانعانىن حابارلاعان.
14 سەۋٸرگە قاراعان تٷنٸ رەسەي قورعانىس مينيسترلٸگٸ "موسكۆا" كرەيسەرٸندە باستالعان ٶرت سالدارىنان وق-دەرٸلەر جارىلعانىن حابارلاعان. ۆەدومستۆو ەكيپاج تولىق ەۆاكۋاتسييالانعانىن, نەگٸزگٸ زىمىراندىق جابدىقتار زاقىمدانباعانىن مەلٸمدەگەن. ارتىنشا ٶرت اۋىزدىقتالعاننان كەيٸن كەمە جٷزە الاتىنى ايتىلعان ەدٸ.
ال كيەۆ كرەيسەرگە ۋكراينالىق ەكٸ "نەپتۋن" زىمىرانى اتىلعانىن حابارلاعان.
DW مەلٸمەتٸنشە, رەسەي قارا تەڭٸز فلوتىنىڭ فلاگمانى "موسكۆا" زىمىراندىق كرەيسەرٸ 1979 جىلى تەڭٸزگە جٸبەرٸلگەن. ونىڭ قارۋ-جاراقتارىنىڭ اراسىندا راديۋسى كەمٸندە 700 شاقىرىمعا جەتەتٸن "ۆۋلكان" كەشەنٸنٸڭ كەمەگە قارسى 16 زىمىرانى, "فورت" الىسقا اتاتىن كەشەندەرٸ بولعان.
Forbes مەلٸمەتٸنشە, بۇل - رەسەيدٸڭ ۋكراينامەن سوعىسىنداعى ەڭ قىمبات ەسكەري شىعىنى. "موسكۆا" كرەيسەرٸنٸڭ بولجامدى قۇنى - 750 ميلليون دوللار.
ۋكراينا باسىلىمدارىنىڭ حابارلاۋىنشا, "موسكۆا" كرەيسەرٸ ودەسسا وبلىسى زمەينىي ارالىنا شابۋىلعا قاتىسقان.
