كەشە رەسەيدٸڭ بريانسك وبلىسىنىڭ تەمٸرجولىندا بەلگٸسٸز جارىلعىش زات جارىلىپ, تەمٸرجولدى ٸستەن شىعارعان. بۇل جٶنٸندە وبلىس گۋبەرناتورى الەكساندر بوگوماز ۆكونتاكتە ەلەۋمەتتٸك جەلٸسٸندەگٸ پاراقشاسىندا جازعان.
گۋبەرناتور سٶزٸنشە, جارىلىس نوۆوزىبكوۆ پەن زلىنكا ستانتسييالارىنىڭ اراسىندا بولىپ, تەمٸرجولعا زاقىم كەلتٸرگەن.
رەسەي ۋكرايناعا باسىپ كٸرگەن سوڭ ۇرىس جٷرٸپ جاتقان جەرگە جاقىن رەسەي ايماقتارىندا تٶتەنشە وقيعالار كٶبەيگەن. بريانسك, بەلگورود جەنە كۋرسك وبلىستارىنىڭ بيلٸگٸ ۋكراينا تاراپىنان وق اتىلدى دەپ ەلدەنەشە رەت مەلٸمدەگەن. تامىزدا بريانسك وبلىسى مەكتەپ وقۋشىلارىن ونلاين وقۋعا كٶشٸرگەن.
ۋكراينامەن شەكتەسەتٸن بەلگورود وبلىسى دا ۋكراينا تاراپىنا وق اتىلدى دەپ ۇدايى ايتىپ كەلەدٸ. ۋكراينا قورعانىس مينيسترلٸگٸ بۇل جٶنٸندە پٸكٸر بٸلدٸرمەگەن. كٶرشٸلەس كۋرسك وبلىسىنىڭ بيلٸگٸ حالقىن وكوپ قازىپ ٷيرەنۋگە شاقىرعان.
ۋكرايناداعى سوعىسقا ەسكەري تەحنيكا اپاراتىن رەسەي تەمٸرجولدارىنا جاسالعان ديۆەرسييا جٶنٸندە اقپاراتتار جيٸ شىعادى. ونىڭ كەيبٸرٸنە جاۋاپكەرشٸلٸكتٸ ٶزدەرٸن پارتيزان دەپ ەسەپتەيتٸن توپتار الىپ جٷرگەنٸ بايقالادى. بۇل توپ سوعىسقا قارسىمىز دەپ ەسەپتەيدٸ.
