فوتو: gov.kz
قازاقستاننىڭ سىرتقى ٸستەر مينيسترلٸگٸ رەسەيدٸڭ ۋست-لۋگا ەلدٸ مەكەنٸندەگٸ ۋاقىتشا جۇمىسشىلار لاگەرٸندە بولعان جانجالعا قاتىستى رەسمي تٷسٸنٸكتەمە بەردٸ, دەپ حابارلايدى Ult.kz.
ەلەۋمەتتٸك جەلٸلەردە لەنينگراد وبلىسىندا تٷسٸرٸلگەن جاپپاي تٶبەلەستٸڭ ۆيدەوسى تاراپ, وقيعاعا قازاقستان ازاماتتارى دا قاتىسقانى تۋرالى اقپارات تاراعان ەدٸ. ۆيدەو اۆتورى جانجالعا قازاقستاندىق جۇمىسشىلاردىڭ دا ارالاسقانىن ايتقان.
قازاقستاندىق ديپلوماتتار بۇل وقيعانى «تۇرمىستىق جانجال» دەپ باعالاپ, تٶبەلەسكە قازاقستان ازاماتتارىنىڭ قاتىسقانىن راستادى. قاقتىعىسقا قاتىسقان ادامدار ۇستالىپ, قازٸر تەرگەۋ امالدارى جٷرگٸزٸلٸپ جاتىر.
سٸم مەلٸمەتٸنشە, قازاقستاندىقتار اراسىندا اۋىر جاراقات العاندار جوق.
«قولدا بار اقپاراتقا سەيكەس, قازاقستان ازاماتتارىنىڭ ەشقايسىسى اۋىر جاراقات العان جوق جەنە اۋرۋحاناعا جاتقىزۋدى قاجەت ەتپەيدٸ. جەرگٸلٸكتٸ جاعداي تۇراقتى ەرٸ قۇزىرەتتٸ ورگانداردىڭ باقىلاۋىندا», – دەلٸنگەن رەسمي حابارلامادا.
سانكت-پەتەربۋرگتەگٸ قازاقستاننىڭ باس كونسۋلدىعى رەسەي بيلٸگٸمەن تۇراقتى بايلانىستا. باس كونسۋل وقيعا ورنىنا بارىپ, قازاقستاندىقتارعا قاجەتتٸ كونسۋلدىق جەنە قۇقىقتىق كٶمەك كٶرسەتۋ ٷشٸن جاعدايدى ٶز باقىلاۋىنا العان.
ەسكە سالايىق, بۇعان دەيٸن رەسەيدە قازاقستاندىقتاردىڭ قاتىسۋىمەن جاپپاي تٶبەلەس بولىپ, ولاردى پوليتسييا الىپ كەتكەنٸ تۋرالى اقپارات تاراعان بولاتىن.
