رەسەيدە جوعارى وقۋ ورىندارىندا ماسكا تاعىپ جٷرۋ مٸندەتتەلدٸ, دەپ حابارلايدى تاسس اگەنتتٸگٸ.
جاڭا وقۋ جىلىندا جوعارى وقۋ ورىندارىندا ماسكا تاعىپ جٷرۋ مٸندەتتٸ تالاپقا اينالادى, دەپ مەلٸم ەتتٸ رەسەي بٸلٸم مينيسترلٸگٸنٸڭ باسپاسٶز قىزمەتٸ.
«وقۋ پروتسەسٸن ۇيىمداستىرۋ كەزٸندە جاڭا كوروناۆيرۋس ينفەكتسيياسىنىڭ الدىن الۋ شارالارى قاتاڭ ساقتالادى» دەپ اتاپ ٶتتٸ ۆەدومستۆو باسشىسى ۆالەريي فالكوۆ.
ساباققا كٸمدەر ماسكا تاقپاي كەلە الادى? مينيسترلٸكتٸڭ مەلٸمەتٸنشە, اعزاسىندا ۆيرۋسقا انتيدەنە بارى انىقتالعان ستۋدەنتتەر مەن وقىتۋشىلارعا ماسكاسىز جٷرۋگە رۇقسات ەتٸلگەن. ولار سونى دەلەلدەيتٸن انىقتامانى ۇسىنۋى تيٸس.
وقىتۋشىلار لەكتسييا وقىپ جاتقاندا ماسكاسىن شەشٸپ قويسا بولادى.
باسپاسٶز قىزمەتٸنٸڭ ناقتىلاۋىنا قاراعاندا, ستۋدەنتتەر مەن وقىتۋشىلاردى ۋنيۆەرسيتەت ەكٸمشٸلٸگٸ ماسكامەن قامتاماسىز ەتۋگە مٸندەتتٸ.
