سٷڭگۋٸرلەر لەنينگراد وبلىسىنداعى زاۋىت ماڭىنداعى سۋ قويماسىندا اۋدارىلعان كەمەدەن ەكٸنشٸ جۇمىسشىنىڭ مەيٸتٸن تاپتى, دەپ حابارلايدى تاسس اگەنتتٸگٸ.
«قايتىس بولعان ەكٸنشٸ ادامنىڭ مەيٸتٸ شامامەن بٸر جەردەن تابىلدى, بۇل – ەيەل», – دەدٸ رف تەرگەۋ كوميتەتٸنٸڭ جەرگٸلٸكتٸ باسقارماسىنىڭ ٶكٸلٸٷ
بۇعان دەيٸن تەرگەۋ كوميتەتٸ كەمەنٸڭ ارتقى جاعىنان ەر ادامنىڭ مەيٸتٸ تابىلعانىن حابارلاعان. تٶتەنشە جاعدايدان كەيٸن بارلىعى ەكٸ ادام حابار-وشارسىز كەتتٸ دەپ سانالدى.
ەسكە سالا كەتەيٸك, وقىس وقيعا سەيسەنبٸدە مەسكەۋ ۋاقىتىمەن 15:15 شاماسىندا «پەللا» كەمە جاساۋ زاۋىتىندا بولدى.
تجم ايماقتىق باسقارماسىنىڭ حابارلاۋىنشا, كەمە قيسايىپ, ونىڭ تريۋمٸنە سۋ كٸرە باستاعان, بٸراق كەيٸن سۋ كٸرۋ توقتاتىلدى, تراۋلەر جانىنا قيسايعان كٷيٸندە قالدى.
دەرەككٶزدٸڭ حابارلاۋىنشا, بۇل «سكورپيون» تراۋلەرٸ بولعان.
