رەسەيدٸڭ ارحانگەل وبلىسىنىڭ سەۆەرودۆينسك قالاسىنداعى ەسكەري بٶلٸمشەدە ٶرت شىعىپ, بٸر ادام قازا تاپتى. كەم دەگەندە 10 ادام زارداپ شەككەن. بۇل تۋرالى تاسس اگەنتتٸگٸ حابارلادى.
شۇعىل قىزمەت ٶكٸلدەرٸنٸڭ مەلٸمدەۋٸنشە, كەمەدە وقىس وقيعا بولعان, قازٸر ول ٶرتەنٸپ جاتىر.
ارحانگەلسك وبلىسىنىڭ گۋبەرناتورى يگور ورلوۆ وقىس وقيعانىڭ بولعانىن راستادى. «زارداپ شەككەندەر بار, قازٸر سانيتارلىق اۆياتسييا جٸبەرٸلدٸ», - دەدٸ ول.
حابارلارعا قاراعاندا, سەۆەرودۆينسكٸدەن 30 شاقىرىم ارىداعى ەسكەري بٶلٸمشەدە جارىلىس بولعان. كەي دەرەكتەرگە قاراعاندا ەكٸ ادام قازا تاۋىپ, 15 ادام زارداپ شەككەن.
ەسكە سالا كەتەيٸك, ٷش كٷن بۇرىن رەسەيدٸڭ كراسنويارسك ٶلكەسٸندەگٸ اچينسك اۋدانىندا ورنالاسقان ەسكەري بٶلٸمنٸڭ اۋماعىندا جارىلىس بولىپ, ٶرت شىققان ەدٸ.
