رەسەيدە ٶتكەن جىلى كەدەيلٸك شەگٸندە ٶمٸر سٷرەتٸن تۇرعىندار سانى 19,8 ميلليون ادامعا جەتتٸ. مەملەكەتتٸك روسستات اگەنتتٸگٸنٸڭ مەلٸمەتٸنشە, بۇل - سوڭعى ون جىلداعى ەڭ جوعارعى كٶرسەتكٸش. 2015 جىلى كەدەيلٸك شەگٸندە ٶمٸر سٷرەتٸن حالىق سانى 19,5 ميلليون ادام بولعان. ٶتكەن جىلى رەسەيلٸكتەردٸڭ 13 پايىزدان استامىنىڭ تابىسى "ەڭ تٶمەنگٸ كٷنكٶرٸس دەڭگەيٸ" - 9691 رۋبلگە (شامامەن 171 دوللار) دە جەتپەگەن, - دەپ حابارلايدى "ۇلت اقپارات" ازاتتىققا سٸلتەمە جاساپ.
2006 جىلى رەسەيدە كەدەيلٸك شەگٸندە 20,6 ميلليون ادام ٶمٸر سٷرگەن. 2000 جىلى بۇل كٶرسەتكٸش 40 ميلليون ادامعا جەتكەن ەدٸ. 2014 جىلى مۇناي باعاسى قۇلدىراپ, باتىس ەلدەرٸ سانكتسييا سالاتىننىڭ الدىندا تابىسى ەڭ تٶمەنگٸ كٷنكٶرٸس دەڭگەيٸنە جەتپەيتٸن 16,1 ميلليون ادام بولعان.
سوڭعى بٸرنەشە جىلداعى رەتسەسسييا تاۋارلار باعالارىنىڭ كٷرت قىمباتتاۋىنا ەكەپ سوقتىرىپ, تۇرعىنداردىڭ ساتىپ الۋ قابٸلەتٸ كەدٸمگٸدەي ناشارلادى. سوڭعى ايلاردا رۋبلدٸڭ باعامى كٶتەرٸلگەنٸمەن, كەدەيلٸك شەگٸندە ٶمٸر سٷرەتٸن ادامدار سانىنىڭ ارتۋىنا بايلانىستا تۇتىنۋشىلىق كٶرسەتكٸشٸ تىم تٶمەندەپ كەتتٸ.
