رەسەيدە بٸر كٷندە 7933 ادامنان كوروناۆيرۋس تابىلدى. بۇل تۋرالى جەدەل شتاب ٶكٸلدەرٸ حابارلادى. بۇل - بۇرىن-سوڭدى بولماعان ەڭ جوعارى كٶرسەتكٸش. رەسەيدە بٸر كٷندە كوروناۆيرۋس ينفەكتسيياسىنان 96 ادام قايتىس بولدى.
ەلدە جالپى 114 مىڭنان استام ادامنان كوروناۆيرۋس تابىلعان. 1169 ادام قايتىس بولعان. 13 مىڭنان استام ادام جازىلعان.
ۆيرۋس جۇقتىرعاندار سانى جاعىنان رەسەي استاناسى مەسكەۋ الدا تۇر. مۇندا 3,5 مىڭنان استام ناۋقاس بار. سوڭعى بٸر كٷن ٸشٸندە رەسەيدٸڭ بارلىق ايماعىندا (اننەكسييالانعان قىرىم مەن سەۆاستوپولدٸ قوسقاندا) كوروناۆيرۋس تابىلعان.
جۇمىسسىز اپتا رەجيمٸنٸڭ سوزىلعانىنا بٸر ايعا جۋىق ۋاقىت بولدى. ەلدٸڭ باسىم بٶلٸگٸندە كارانتيندٸك شارالار ەنگٸزٸلگەن. بيلٸك ٶكٸلدەرٸ ەپيدەمييا مامىر ايىنىڭ باسىندا شارىقتاۋ شەگٸنە جەتەدٸ دەپ بولجايدى.
امەريكالىق دجون حوپكينس ۋنيۆەرسيتەتٸنٸڭ دەرەگٸنشە, ەلەمدە ۆيرۋس جۇقتىرعاندار 3,2 ملن ادامعا جەتكەن. 233 مىڭ ادام قايتىس بولعان.
