كەشە كەشكە رەسەي ۋكراينانىڭ ەنەگرەتيكا نىساندارىن تاعى دا زىمىرانمەن اتقىلادى. نەگٸزٸنەن ۋكراينانىڭ باتىس وبلىستارىنداعى ەنەرگەتيكالىق ينفراقۇرىلىمداردى كٶزدەگەن. كەشە تاڭەرتەڭ كيەۆ پەن ودەسسانى كاميكادزە درونمەن بومابالاعان.
ۋنيان اگەنتتٸگٸ ۆيننيتسكايا وبلىسىندا بٸرنەشە جارىلىس بولعانىن, جەرگٸلٸكتٸ بيلٸك "اسا قاجەتتٸ ينفراقۇرىلىمدارعا" سوققى جاسالعانىن راستاعانىن حابارلاعان.
حمەلنيتسكيي, روۆەنسكيي, تەرنوپول وبلىستارىنا دا وسىنداي شابۋىل جاسالعانى تۋرالى حابار تٷسٸپ جاتىر. ەزٸرگە قانداي دا بٸر نىساننىڭ قيراعانى تۋرالى ناقتى اقپارات بولماعانىمەن, بۇل وبلىستاردىڭ ەلەكتر جٷيەسٸنەن اقاۋ شىققانى بايقالادى دەيدٸ بي-بي-سي.
Reuters حابارىنا قاراعاندا, زاپاروجە اتوم ەلەكتر ستانتسيياسىنىڭ جۇمىسىن قامتاماسىز ەتٸپ تۇرعان جالعىز ەلەكترپودستانتسيياسىنا زاقىم كەلگەن. ۋكراينا "ەنەرگواتوم" كومپانتيياسى اەس اپات كەزٸندە قوسىلاتىن گەنەراتورلارمەن جۇمىس ٸستەۋگە كٶشكەنٸن راستاعان. زاپوروجە اەس-ٸ بۇعان دەيٸن توقتاتىلعان, بٸراق ونداعى جىلۋ ەلەمەنتتەرٸن سالقىنداتىپ تۇرۋ ٷشٸن ەلەكتر توگى كەرەك.
ۋكراينانىڭ سولتٷستٸگٸندەگٸ سۋمسك وبلىسىنا دا زىمىران اتىلىپ, ٷش ادام ٶلگەن.
دٷيسەنبٸ كٷنٸ تاڭەرتەڭ رەسەي كاميكادزە دروندارمەن كيەۆ پەن ودەسسانى بومابالاعان ەدٸ. كيەۆتە تۇرعىن ٷيگە تٷسٸپ, كەمٸ تٶرت ادام ٶلگەن. قۇتقارۋشىلار 20-عا جۋىق ادامدى ٷيٸندٸ استىنان الىپ شىققان.
ۋكراينانىڭ "ۋكرەنەرگو" كومپانيياسىنىڭ عيماراتىنا دا سوققى جاسالعان دەگەن حابار تاراپ جاتىر.
