فوتو: ريا نوۆوستي
رەسەيدٸك كەمەروۆ وبلىسىنداعى "ليستۆياجنايا" شاحتاسىندا قايتىس بولعان كەنشٸ سانى 11 ادامعا جەتتٸ. بۇل تۋرالى ريا نوۆوستي اگەنتتٸگٸنە جەدەل قىزمەتتٸڭ ٶكٸلٸ حابارلادى, دەپ جازادى Sputnik قازاقستان.
"54 ادام زارداپ شەكتٸ, سولاردىڭ ٸشٸندە 11 كەنشٸ كٶز جۇمدى", - دەيدٸ ول.
ونىڭ ايتۋىنشا, تاعى 36 كەنشٸنٸ ٸزدەستٸرٸپ جاتىر.
25 قاراشادا بەلوۆو قالاسىنا قاراستى گراموتەينسكيي كەنتٸندە ورنالاسقان شاحتادا 250 مەتر تەرەڭدٸكتە تٷتٸن شىقتى. 285 كەنشٸنٸڭ 239-ى سىرتقا شىعارىلدى.
رەسەي پرەزيدەنتٸ ۆلاديمير پۋتين تٶتەنشە جاعدايلار مينيسترٸنٸڭ مٸندەتٸن اتقارۋشى الەكساندر چۋپرييان مەن تەحنيكالىق قاداعالاۋ قىزمەتٸنٸڭ باسشىسى الەكساندر ترەمبيتسكييگە كۋزباسسقا بارىپ, قۇتقارۋ جۇمىستارىن ۇيىمداستىرۋعا تاپسىرما بەردٸ.
"پرەزيدەنت گۋبەرناتور تسيۆيلەۆتەن بەرٸن بايانداپ بەرۋدٸ تالاپ ەتتٸ. سونداي-اق, پۋتين تٶتەنشە جاعدايلار مينيسترلٸگٸنٸڭ باسشىسى الەكساندر چۋپرييانمەن تەلەفون ارقىلى سٶيلەستٸ. دەل قازٸر ول پرەزيدەنتتٸڭ تاپسىرماسى بويىنشا قۇتقارۋ جۇمىستارىن ۇيىمداستىرۋدى جالعاستىرۋ ٷشٸن تەحنيكالىق قاداعالاۋ قىزمەتٸنٸڭ باسشىسى ترەمبيتسكييمەن بٸرگە كەمەروۆوعا ۇشادى", - دەدٸ رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ.
