ۋكراينانىڭ حەرسون قالاسى. 23 اقپان 2022 جىل.
رەسەي ەسكەرٸ ۋكراينانىڭ حەرسون قالاسىن باسىپ الدى. سەرسەنبٸ كٷنٸ رەسەي قورعانىس مينيسترلٸگٸ وسىلاي دەپ مەلٸمدەدٸ. بۇل تۋرالى ازاتتىق جازادى.
ۋكراينانىڭ وڭتٷستٸگٸندەگٸ وبلىس ورتالىعىندا 300 مىڭ ادام تۇرادى.
ۋكراينا جاعى قالا رەسەي ەسكەرٸنە بەرٸلدٸ دەگەن مەلٸمەتتٸ راستامادى. قالا مەرٸ فەيسبۋكتە "بٸز ەلٸ دە ۋكراينامىز" دەپ جازدى.
حەرسون وبلىسىندا ۇرىستار 24 اقپاندا باستالعان, كەلەسٸ كٷنٸ رەسەيلٸك جاۋىنگەرلەر ستراتەگييالىق ماڭىزدى انتون كٶپٸرٸنە باقىلاۋ ورناتتى. 1 ناۋرىزدا قالا مەرٸ يگور كولىحاەۆ ەكٸمشٸلٸك ورتالىق قورشاۋدا قالعانىن, الايدا ۋكراين بيلٸگٸنٸڭ باقىلاۋىندا ەكەنٸن مەلٸمدەدٸ.
1 ناۋرىزدا كەشكە كولىحاەۆ ازاتتىق راديوسىنىڭ ۋكراين قىزمەتٸنە سۇحبات بەرٸپ, قالانىڭ قاتتى قيراعانىن, جاۋىنگەرلەر مەن بەيبٸت تۇرعىندار وپات بولعانىن ايتتى. 2 ناۋرىزدا تاڭەرتەڭ ول قالا تۇرعىندارىنان كٶشەگە شىقپاۋىن, اتىسپاۋىن سۇرادى.
