شىعىس قازاقستان وبلىسىندا 3 جىل بويى قازاقستان ازاماتى رەتٸندە زەينەتاقى الىپ كەلگەن رەسەيلٸك انىقتالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, كٶشٸ-قون قىزمەتٸنٸڭ ماماندارى ٶڭٸر اۋماعىندا قوس ازاماتتىعى بار ادامداردى انىقتاۋ بويىنشا كٷندەلٸكتٸ جۇمىس جٷرگٸزۋدە. سونىڭ نەتيجەسٸندە, جىل باسىنان بەرٸ قوس ازاماتتىقپەن جٷرگەن 60-تان استام ادام تٸركەلگەن.
«4 قازاندا زەينەتاقى تٶلەۋ جٶنٸندەگٸ مەملەكەتتٸك ورتالىقپەن سالىستىرۋ كەزٸندە 19 جىل بۇرىن رەسەي فەدەراتسيياسىنىڭ ازاماتتىعىن العان گلۋبوكوە اۋدانىنىڭ 66 جاستاعى تۇرعىنى انىقتالدى. ەر ادام 16 جىل بويى رەسەيدە زەينەتاقى الىپ, 2018 جىلى زەينەتكەرلٸك جاسقا تولعاننان كەيٸن قازاقستان اۋماعىندا دا زەينەتاقى رەسٸمدەگەن. قازٸرگٸ ۋاقىتتا زاڭسىز الىنعان قاراجاتتى ٶندٸرٸپ الۋ مەسەلەسٸ قاراستىرىلۋدا», - دەلٸنگەن حابارلامادا.
ۆەدومستۆو دەرەگٸنشە, باسقا ەلدٸڭ ازاماتتىعىنا كٸرەتٸن ادام قازاقستاندىق ازاماتتىقتان باس تارتۋى قاجەت. ول ٷشٸن 30 كٷندٸك مەرزٸمدە ٸشكٸ ٸستەر ورگاندارىنا باسقا مەملەكەتتٸڭ ازاماتتىعىن العانى تۋرالى حابارلاپ, قازاقستاننىڭ تٶلقۇجاتى مەن جەكە كۋەلٸگٸن تاپسىرۋى تيٸس.
«ٶكٸنٸشكە قاراي, ٶڭٸردٸڭ كەي تۇرعىندارى بۇل تالاپتى ەلەمەيدٸ. قوس ازاماتتىقپەن جٷرۋدٸڭ نەگٸزگٸ سەبەپتەرٸنٸڭ بٸرٸ – كارانتيندٸك شەكتەۋلەر كەزەڭٸندە مەملەكەتتٸك شەكارانى كەدەرگٸسٸز كەسٸپ ٶتۋ. قازاقستان ازاماتتارىنىڭ قۇجاتتارىن پايدالانعانى ٷشٸن شەتەلدٸكتەرگە قر ەقبتك-نٸڭ 496-بابىنا سەيكەس 100 اەك كٶلەمٸندە ايىپپۇل سالىنادى», - دەدٸ وبلىستىق پد كٶشٸ-قون قىزمەتٸ باسقارماسىنىڭ باستىعى ەربول بەكپاەۆ.
