فوتو: Inbusiness.kz
قازاقستاندا رەسپۋبليكالىق رەفەرەندۋم ٶتكەن كٷنٸ – 15 ناۋرىزدا ەل بويىنشا 585 نەرەستە دٷنيەگە كەلدٸ, دەپ حابارلايدى Ult.kz.
دەنساۋلىق ساقتاۋ سالاسىنىڭ مەلٸمەتٸنشە, بٸر تەۋلٸكتٸڭ ٸشٸندە مەديتسينالىق ۇيىمداردا بارلىعى 583 بوسانۋ قابىلدانعان. ونىڭ ٸشٸندە اقتٶبە وبلىسى مەن تٷركٸستان وبلىسىندا ەكٸ ەگٸز سەبي ٶمٸرگە كەلگەن. جالپى تۋعان بالالاردىڭ 310-ى ۇل, 275-ٸ قىز.
وسى كٷنٸ ەرەكشە وقيعا ماڭعىستاۋ وبلىسىندا تٸركەلدٸ. كٶپبالالى وتباسىندا دٷنيەگە كەلگەن توعىزىنشى سەبيگە اتا-اناسى اتازاڭ دەپ ات قويعان. نەرەستەنٸڭ سالماعى – 4130 گرامم, بويى – 57 سانتيمەتر.
مامانداردىڭ ايتۋىنشا, ماڭىزدى تاريحي كٷنٸ دٷنيەگە كەلگەن سەبيلەر – ەل بولاشاعىنىڭ سيمۆولى. ەربٸر جاڭا ازامات مەملەكەتتٸڭ دامۋىنا, قوعامنىڭ ٶسٸپ-ٶركەندەۋٸنە دەگەن ٷمٸت رەتٸندە باعالانادى.
ايتا كەتەيٸك, ماڭعىستاۋ وبلىسىندا انا مەن بالانى قولداۋعا ەرەكشە كٶڭٸل بٶلٸنەدٸ. ٶڭٸردە كٶپبالالى وتباسىلارعا تٷرلٸ ەلەۋمەتتٸك كٶمەك پەن قولداۋ شارالارى قاراستىرىلعان.
مەديتسينا قىزمەتكەرلەرٸ رەفەرەندۋم كٷنٸ دە انالار مەن جاڭا تۋعان سەبيلەرگە ساپالى ەرٸ ۋاقتىلى مەديتسينالىق كٶمەك كٶرسەتٸپ, كەسٸبي جاۋاپكەرشٸلٸكتٸڭ جوعارى دەڭگەيٸن تانىتتى. ماماندار جاڭا تۋعان نەرەستەلەردٸڭ وتباسىلارىنا قۋانىشتارى قۇتتى بولىپ, سەبيلەرگە مىقتى دەنساۋلىق پەن جارقىن بولاشاق تٸلەدٸ.
