Foto: Inbusiness.kz
Qazaqstanda respýblikalyq referendým ótken kúni – 15 naýryzda el boiynsha 585 náreste dúniege keldi, dep habarlaidy Ult.kz.
Densaýlyq saqtaý salasynyń málimetinshe, bir táýliktiń ishinde meditsinalyq uiymdarda barlyǵy 583 bosaný qabyldanǵan. Onyń ishinde Aqtóbe oblysy men Túrkistan oblysynda eki egiz sábi ómirge kelgen. Jalpy týǵan balalardyń 310-y ul, 275-i qyz.
Osy kúni erekshe oqiǵa Mańǵystaý oblysynda tirkeldi. Kópbalaly otbasynda dúniege kelgen toǵyzynshy sábige ata-anasy Atazań dep at qoiǵan. Náresteniń salmaǵy – 4130 gramm, boiy – 57 santimetr.
Mamandardyń aitýynsha, mańyzdy tarihi kúni dúniege kelgen sábiler – el bolashaǵynyń simvoly. Árbir jańa azamat memlekettiń damýyna, qoǵamnyń ósip-órkendeýine degen úmit retinde baǵalanady.
Aita keteiik, Mańǵystaý oblysynda ana men balany qoldaýǵa erekshe kóńil bólinedi. Óńirde kópbalaly otbasylarǵa túrli áleýmettik kómek pen qoldaý sharalary qarastyrylǵan.
Meditsina qyzmetkerleri referendým kúni de analar men jańa týǵan sábilerge sapaly ári ýaqtyly meditsinalyq kómek kórsetip, kásibi jaýapkershiliktiń joǵary deńgeiin tanytty. Mamandar jańa týǵan nárestelerdiń otbasylaryna qýanyshtary qutty bolyp, sábilerge myqty densaýlyq pen jarqyn bolashaq tiledi.
