ەلوردادا قازاقستان رەسپۋبليكاسىندا مەدەنيەت پەن ٶنەردٸ ناسيحاتتاعان جۋرناليستەرگە «التىن توميريس» سىيلىعىن تاپسىرۋ سالتاناتى ٶتتٸ, دەپ حابارلايدى "ۇلت اقپارات".
سىيلىقتى قر مەدەنيەت جەنە سپورت مينيسترلٸگٸ مەن «استانا وپەرا» تەاترى تاعايىنداعان. «التىن توميريس» العاش رەت تاپسىرىلدى.
قر مەدەنيەت جەنە سپورت مينيسترٸ اقتوتى رايىمقۇلوۆا باق ٶكٸلدەرٸنە «التىن توميريس» ماراپاتتارىن, قۇرمەت گراموتالارى مەن «قازاق وپەراسىنىڭ اڭىز ادامدارى» ەستەلٸك كٸتاپتارىن تابىس ەتتٸ.
«التىن توميريس» مٷسٸنشەسٸ «استانا وپەرا» تەاترى عيماراتىنىڭ جوعارى جاعىنداعى كۆادريگا تٷرٸندە جاسالعان. وندا كٷيمە اربانىڭ تٸزگٸنٸن ۇستاعان ساق پاتشايىمى توميريس بەينەلەنگەن.
ماراپاتتالعاندار قاتارىندا «حابار 24», «قازاق تۆ», «قازاقستان», «اباي تۆ», «مير», «ەۋرازييا» بٸرٸنشٸ ارناسى» تەلەارنالارى, «ەگەمەن قازاقستان», «كازاحستانسكايا پراۆدا», «استانا اقشامى», «ۆەچەرنيايا استانا», «نوۆوە پوكولەنيە», «ليتەر», «كاراۆان» گازەتتەرٸ, Tengrinews.kz, Zakon.kz, «قازاقپارات» حاا, Sputnik كازاحستان, Nur.kz, Baigenews.kz اقپارات اگەنتتٸكتەرٸنٸڭ تٸلشٸلەرٸ, سونىمەن قاتار تانىمال قازاقستاندىق بلوگەرلەر بار.
سالتاناتتى رەسٸم اياقتالعان سوڭ جۋرناليستەردٸ تەاتردىڭ شىعارماشىلىق ۇجىمى قۇتتىقتاپ, مەرەكەلٸك كونتسەرت تارتۋ ەتتٸ. ساحنادا وپەرا ترۋپپاسىنىڭ سوليستەرٸ – قازاقستاننىڭ ەڭبەك سٸڭٸرگەن قايراتكەرٸ جاميليا دجاركيمباەۆا, ەلەنا گانجا, ەسەم سەمبينا, رامزات بالاكيشيەۆ, شىڭعىس راسىلحان, «كۆيكونتە» ٷرلەمەلٸ اسپاپتار كۆينتەتٸ جەنە كونتسەرتمەيستەر راۋشان بەسكەمبيروۆا ٶنەر كٶرسەتتٸ.
