ەلوردادا «جاھاندانۋ جەنە ۇلتتانۋ ٷدەرٸسٸندەگٸ قازاق تٸلٸنٸڭ ٶمٸرشەڭدٸگٸ» رەسپۋبليكالىق تٸل فورۋمى ٶتٸپ جاتىر, دەپ حابارلايدى قازاقپارات تٸلشٸسٸ.
تٸل فورۋمىنا ەلٸمٸزدٸڭ بارلىق ٶڭٸرٸنەن 250-دەن استام ٶكٸل, قر پارلامەنتٸنٸڭ دەپۋتاتتارى, مەملەكەتتٸك ورگان, ۇلتتىق كومپانييا باسشىلارى, زييالى قاۋىم ٶكٸلدەرٸ جەنە بٸلٸم, عىلىم, بيزنەس, باق, سونداي-اق باسقا دا سالا ماماندارى قاتىسۋدا.
مەدەنيەت جەنە سپورت مينيسترٸ اقتوتى رايىمقۇلوۆا قازاق تٸلٸ ەلٸپبيٸن لاتىن گرافيكاسىنا 2025 جىلعا دەيٸن كەزەڭ-كەزەڭمەن كٶشٸرۋ جٶنٸندەگٸ ٸس-شارالار جوسپارىنىڭ اياسىندا تيٸستٸ جۇمىستار اتقارىلىپ جاتقانىن اتاپ ٶتتٸ.
«ەسٸرەسە, تٸلٸمٸزدٸڭ قوعامداعى قىزمەتٸن ارتتىرىپ, ونىڭ ەلەۋەتٸن كٶتەرۋ ٸسٸ بٸزدٸڭ جٸتٸ نازارىمىزدا. جاڭا ەلٸپبيگە كٶشۋ – جاھاندانۋ جەنە ۇلتتانۋ ٷدەرٸسٸندەگٸ قازاق تٸلٸنٸڭ ٶمٸرشەڭدٸگٸن ارتتىراتىن رەفورما. وسى رەفورمانى جٷزەگە اسىرۋ بارىسىندا مٸندەتتەردٸ ايقىنداۋ جەنە اتقارىلعان جۇمىس نەتيجەلەرٸن ناسيحاتتاۋ – رۋحاني ەرٸ ساياسي ماڭىزدى فاكتورلاردىڭ بٸرٸ. ەلٸپبي رەفورماسىنىڭ جالپىحالىقتىق سيپات الۋ تەكتٸكتەرٸن ٸسكە قوسۋ – بٷگٸنگٸ كٷننٸڭ ٶزەكتٸ مەسەلەسٸ. ونىڭ جولدارىن انىقتاۋ, قازاقستانداعى جەنە ەلەمدٸك تٸلدٸك قاۋىمداستىقتاعى قازاق تٸلٸنٸڭ رٶلٸ مەن مەرتەبەسٸ تۋرالى زاماناۋي بٸلٸم, اقپارات, ناسيحات الاڭدارىنىڭ جۇمىسىن ۇيىمداستىرۋ - بٷگٸنگٸ فورۋمنىڭ مٸندەتٸ», - دەدٸ مەدەنيەت جەنە سپورت مينيسترٸ.
ٶز كەزەگٸندە «تٸل-قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى ەلٸبەك اسقار جاقىندا مەملەكەت باسشىسى قاسىم-جومارت توقاەۆ مەدەنيەت جەنە سپورت مينيسترٸ اقتوتى رايىمقۇلوۆاعا جاڭا ەلٸپبيدٸ جەتٸلدٸرۋ جٶنٸندە تاپسىرما بەرگەنٸن ەسكە سالدى.
«بۇل باعىتتا عالىمدارمەن بٸرلەسٸپ, تيياناقتى جۇمىستى ارى قاراي جالعاستىراتىن بولامىز», - دەدٸ ورتالىقتىڭ باس ديرەكتورى.
سونىمەن قاتار, ەلٸبەك اسقار مىرزا ٶڭٸرلەردەگٸ تٸل باسقارمالارىنىڭ جۇمىسىنا قاتىستى ٶزٸنٸڭ پٸكٸرٸن ايتتى.
«قازاقتىڭ كٶسەگەسٸن بٸر كٶگەرتسە, وسىلار كٶگەرتەدٸ-اۋ دەپ ٶڭٸرلەردەگٸ تٸل باسقارمالارىنا ٷمٸت ارتۋشى ەدٸك. وپتيميزاتسييا دەگەن بەلە شىقسا بولدى, ٶڭٸر باسشىلارى ەڭ الدىمەن تٸل باسقارمالارىنا شٷيلٸگەدٸ ەكەن, ياعني الدىمەن تٸل باسقارماسىن قىسقارتۋعا ۇمتىلادى. قازٸر 9 وبلىس پەن رەسپۋبليكالىق دەرەجەدەگٸ قالالاردا ونداي باسقارما اتىمەن جوق. اتاپ ايتقاندا, باسقا بٶلٸمدەرمەن ارالاسىپ كەتكەن نەمەسە مٷلدەم قۇرىعان. ەشقانداي قۇقىعى دا جوق, ايتار سٶزٸ ٶتپەيدٸ», - دەدٸ ول.
وسى ورايدا ول تٸل تٶڭٸرەگٸندە قالىپتاسقان مۇنداي جاعداي زييالى قاۋىمدى عانا ەمەس, بارشا جۇرتشىلىقتى الاڭداتاتىنىن اتاپ ٶتتٸ.
ايتا كەتەيٸك, فورۋمنىڭ سەكتسييا جۇمىستارى «عىلىم, بٸلٸم جەنە تٸل», «بيزنەس جەنە تٸل», «زاڭ جەنە تٸل», «باق جەنە تٸل», «مەملەكەتتٸك تٸل بولاشاعى – جاستار بولاشاعى», «ٶڭٸرلەردەگٸ تٸلدٸك احۋالدى تالداۋ» تاقىرىپتارىن قامتىدى.
