بٷگٸن مەدەنيەت جەنە سپورت مينيسترٸ اقتوتى رايىمقۇلوۆا ۇلتتىق قوعامدىق سەنٸم كەڭەسٸنٸڭ مٷشەلەرٸمەن ونلاين فورماتتا كەزدەسۋ ٶتكٸزدٸ. بۇل جايىندا فەيسبۋك پاراقشاسىندا پرەزيدەنت كٶمەكشٸسٸ ەرلان قارين مەلٸم ەتتٸ.
«كەزدەسۋ اياسىندا مينيستر بيىل ٶتكٸزٸلگەن نەگٸزگٸ مەدەني, سپورتتىق ٸس-شارالار مەن عىلىمي كونفەرەنتسييالارعا توقتالدى. سونداي-اق, اقتوتى رايىمقۇلوۆا مەدەنيەت, سپورت جەنە ساۋىقتىرۋ نىساندارىنىڭ قۇرىلىسى مەن جٶندەۋ جۇمىستارىنا, مٷمكٸندٸگٸ شەكتەۋلٸ جاندار ٷشٸن تٷرلٸ سپورت تٷرلەرٸن دامىتۋ بويىنشا مەملەكەتتٸك قولداۋ شارالارىنىڭ ٸسكە اسۋىنا نازار اۋداردى», - دەپ جازدى قارين.
سونىمەن قاتار, مينيستر ۇلتتىق كەڭەس الاڭىندا ايتىلعان ويىن بيزنەسٸن رەتتەۋگە جەنە «وقيتىن ۇلت» جوباسىن جٷزەگە اسىرۋعا قاتىستى مەملەكەت باسشىسى تاپسىرمالارىنىڭ ورىندالۋ رەتٸمەن تانىستىردى.
«مينيستر بايانداماسىنان كەيٸن كەزدەسۋ سۇراق-جاۋاپ فورماتىندا جالعاستى. ۇلتتىق كەڭەس مٷشەلەرٸ اسحات سادىرباي, جەمٸس تۇرماعامبەتوۆا, تاتيانا تالاەۆا, قايسار تۇرسىنقوجا, بٶرٸحان نۇرمۇحامەدوۆ, قازىبەك يسا, ايگٷل ورىنبەك, ايدوس سارىم, مارات بەشٸموۆ جەنە ماكسيم روجين تٷرلٸ مەرەيتويلىق ٸس-شارالاردى ٶتكٸزۋ جەنە مەدەني مۇرانى ناسيحاتتاۋ, تاريحي-مەدەني ەسكەرتكٸشتەردٸ ساقتاۋ, ەدەبيەت جەنە باسپا سالاسىن دامىتۋ, جاپپاي جەنە كەسٸبي سپورتتى قولداۋ بويىنشا ٶز سۇراقتارىن قويدى. كەزدەسۋ سوڭىندا قاتىسۋشىلار تالقىلانعان مەسەلەلەر مەن ۇسىنىستاردى بٸرلەسٸپ پىسىقتاۋعا كەلٸستٸ» دەپ تٷيٸندەدٸ سٶزٸن پرەزيدەنت كٶمەكشٸسٸ.
