مەدەنيەت جەنە سپورت مينيسترٸ اقتوتى رايىمقۇلوۆا فونوگراممامەن ەن ايتۋعا تىيىم سالۋ باستاماسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«شىنىندا دا, كەيٸنگٸ كەزدە قازاقستاندىق قوعامدا وتاندىق ەستراداعا قاتىستى سۇراقتار كٶپ تۋىنداپ جاتىر. بۇل رەتتە ماڭىزدى مەسەلەنٸڭ بٸرٸ – فونوگراممانى قولدانۋ. فونوگرامماعا قاتىستى سىن سٶز ايتاتىن حالىقتىڭ قاراسى مول. ەلەۋمەتتٸك جەلٸلەردە دە مۇنداي سىننىڭ كٶپ ەكەنٸن بايقايمىز. سول سەبەپتٸ بۇل مەسەلەنٸ شەشۋ ٷشٸن مەدەنيەت جەنە سپورت مينيسترلٸگٸ «قازاقستان رەسپۋبليكاسىنىڭ مەدەنيەتٸ تۋرالى» زاڭعا ٶزگەرٸستەر مەن تولىقتىرۋلار ەنگٸزٸپ, پارلامەنت مەجٸلٸسٸنٸڭ قاراۋىنا جٸبەردٸ», - دەدٸ اقتوتى رايىمقۇلوۆا وكق الاڭى ارقىلى حالىق الدىندا ەسەپ بەرۋ كەزدەسۋٸندە.
مينيستردٸڭ ايتۋىنشا, زاڭ جوباسىنىڭ ٷكٸمەتتٸك نۇسقاسىندا «فونوگراممانى پايدالانۋ تەرتٸبٸ» (تەلەۆيدەنيە مەن راديودان باسقا جەردٸڭ بەرٸندە تىيىم سالۋ) تۋرالى نورما دا بار.
«ەربٸر زاڭ جوباسى مٷددەلٸ مەملەكەتتٸك ورگاندارى مەن «اتامەكەن» ۇكپ ماقۇلداۋىنان ٶتەدٸ. بٸز زاڭ جوباسى ارقىلى اۋديتوريياعا فونوگراممانىڭ پايدالانىلاتىنى تۋرالى الدىن الا حابارلاۋ تەرتٸبٸن ۇسىنامىز. شىنىندا دا بۇل مەسەلە ٶزەكتٸ ەكەنٸن ايتقىم كەلەدٸ. بٸز ەسترادادا جۇمىس ٸستەيتٸن سۋبەكتٸلەردٸڭ مٷددەسٸن ەسكەرە وتىرىپ, ونى جان-جاقتى تالقىلاۋىمىز كەرەك. ەكٸنشٸ جاعىنان تۇتىنۋشىنىڭ مٷددەسٸن دە قورعاۋعا تيٸسپٸز. تىڭدارمانعا الدىن الا حابارلاۋ كەرەك. وسىلايشا حالىق جاندى داۋىستاعى ەندٸ تىڭداعىسى كەلە مە, ەلدە فونوگرامماعا كەلٸسە مە, ٶزٸ شەشەدٸ», - دەدٸ ول.
