قازاقستان مۇسىلماندارى دٸني باسقارماسىنىڭ تٶراعاسى سەرٸكباي قاجى وراز رامازان ايىنىڭ قاي كٷنٸ باستالاتىندىعىن رەسمي جارييا ەتتٸ, دەپ حابارلايدى قازاقپارات تٸلشٸسٸ.
«كەلە جاتقان قاسيەتتٸ رامازان ايى بارشامىزعا قۇتتى, بەرەكەلٸ بولعاي! بيىل قازاقستان مۇسىلماندارى دٸني باسقارماسى عۇلامالار كەڭەسٸنٸڭ شەشٸمٸمەن شاريعات ەرەجەلەرٸندە ايدى كٶرٸپ, ورازان بەكٸتۋ جەنە وتاندىق استروفيزيكالىق زەرتتەۋلەر ورتالىعىنىڭ نەگٸزدەرٸنە سٷيەنە وتىرىپ, 16 مامىر كەشكٸ العاشقى تاراۋيح نامازى وقىلادى. 17 مامىر رامازان ايىنىڭ بٸرٸنشٸ كٷنٸ بولىپ بەكٸتٸلدٸ. تولىعىراق اقپاراتتار رەسمي سايتىمىزدا بەرٸلەدٸ. كەلە جاتقان ۇلىق اي بارشامىزعا قۇتتى, بەرەكەلٸ بولسىن!», - دەلٸنگەن قازاقستان مۇسىلماندارى دٸني باسقارماسى تاراتقان باس مٷفتيدٸڭ قازاقستاندىقتارعا ارناعان ٷندەۋٸندە.
رامازان ايىنىڭ باستالۋىن ناقتى انىقتاۋ شاريعي ٷكٸمدەر مەن استرونومييالىق ەسەپتەر نەگٸزٸندە جٷزەگە اسادى. العاشقى كەزەڭدە مۇسىلماندار جاڭا تۋعان ايدى كٶزبەن كٶرەتٸن. عىلىم مەن تەحنولوگييا دامىعان زاماندا مۇسىلماندىق كٷنتٸزبە شاريعي ٷكٸم مەن عىلىمي زەرتتەۋلەر نەگٸزٸندە جاسالدى.
پايعامبارىمىز مۇحاممەد (وعان اللانىڭ سالاۋاتى مەن سەلەمٸ بولسىن): «ورازانى ايدىڭ تۋۋىنا قاراپ باستاپ, ايدىڭ تۋۋىنا قاراپ اياقتاڭدار. ەگەر اي كٶرٸنبەسە, شاعبان ايىن وتىز كٷنگە تولتىرىپ, باستاي بەرٸڭدەر», - دەگەن.
دەمەك, مۇسىلمان جۇرتشىلىعى رامازاننان بۇرىن بولاتىن شاعبان ايىنىڭ جيىرما توعىزى كٷنٸ كەشكە قاراي جاڭا ايدىڭ (رامازاننىڭ) تۋۋىن كٷتۋلەرٸ كەرەك. جاڭا اي كٶرٸنسە, وندا كەلەسٸ كٷنٸ ورازا ۇستايدى. ەگەر كٶرٸنبەسە, سول ايدى وتىز كٷنگە تولتىرىپ, ورازانى باستايدى. بٸرقاتار مۇسىلمان مەملەكەتتەرٸنٸڭ عالىمدارى وسى حاديستە ايتىلعان شاعبان ايىنىڭ 29-ىنشى كٷنٸ 15 مامىرعا, ال 30-ىنشى جۇلدىزى 16 مامىرعا ساي كەلەتٸنٸن مەلٸمدەۋدە. دەمەك, استرونومييالىق ەسەپتەر 16 مامىردا جاڭا ايدىڭ تۋىلاتىنىن كٶرسەتۋدە. ال 17 مامىر - رامازان ايىنىڭ العاشقى كٷنٸ بولىپ ەسەپتەلەدٸ.
قازاقستان مۇسىلماندارى دٸني باسقارماسى ەلٸمٸزدەگٸ ٸرگەلٸ زەرتتەۋ ورتالىقتارىنىڭ بٸرٸ بولىپ تابىلاتىن «ۇلتتىق عارىشتىق زەرتتەۋلەر مەن تەحنولوگييالار ورتالىعى» مەكەمەسٸنەن جاڭا ايدىڭ كٶرٸنۋٸنە قاتىستى رەسمي مەلٸمەت سۇراتتى. اتالمىش مەكەمە 16 مامىردا استرونومييالىق قۇرالدار كٶمەگٸمەن جاڭا ايدى كٶرۋگە بولاتىنىن مەلٸمدەدٸ.
وسىعان وراي, قمدب عۇلامالار كەڭەسٸ شاريعي ٷكٸم مەن وتاندىق استرونومييالىق عىلىمي زەرتتەۋ نەتيجەسٸن نەگٸزگە الا وتىرىپ: «17 مامىر - رامازان ايىنىڭ بٸرٸنشٸ كٷنٸ», - دەگەن شەشٸم قابىلدادى.
