«رامادا پلازا» قايتادان كوروناۆيرۋس ينفەكتسيياسىنا شالدىققان پاتسيەنتەردٸ قابىلدايدى. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى, دەپ حابارلايدى قازاقپارات.
«بٷگٸنگٸ كٷنٸ ينفەكتسييالىق اۋرۋدىڭ قايتادان ٶسكەنٸن بايقاپ وتىرمىز. 28 ماۋسىمدا تاڭعى ۋاقىت بويىنشا ينفەكتسييالىق ستاتسيونارلاردا 1 403 پاتسيەنت جاتىر. ونىڭ ٸشٸندە كۆي-گە شالدىققاندار سانى – 1256 ادام, پنەۆمونييامەن – 147. وسىلايشا جٷكتەمە 70 پايىزدى قۇراپ وتىر», - دەدٸ باسقارما باسشىسى.
تيمۋر مۇراتوۆتىڭ اتاپ ٶتۋٸنشە, قالادا ستاتسيونارلاردىڭ تٶسەك-ورىن قۋاتى 2 026 ورىندى قۇرايدى. ونىڭ 2 001-ٸ ينفەكتسييالىق, 25-ٸ كارانتيندٸك تٶسەك-ورىن سانالادى. قازٸرگٸ ۋاقىتتا كۆي كٷرەسۋگە 14 ستاتسيونار, ونىڭ ٸشٸندە 13-ٸ ينفەكتسييالىق, 1-ۋٸ كارانتيندٸك ستاتسيونار جۇمىلدىرىلعان.
«ەستەرٸڭٸزگە سالا كەتسەك, ٶتكەن جىلى كوۆيدتٸ ستاتسيونار, كەيٸن كارانتيندٸك ستاتسيونار رەتٸندە اشىلعان, ينفەكتسييالىق ستاتسيونارعا قايتا بەيٸمدەلگەن بۇرىنعى «رامادا پلازا» قوناق ٷيٸن جاپقان بولاتىنبىز. قازٸر جاعدايدى ەسكەرە وتىرىپ, بٸزگە سول جەردە قايتادان 500 ورىندى ينفەكتسييالىق تٶسەكتەر ورنالاستىرۋعا تۋرا كەلٸپ وتىر. وسىلايشا, «رامادا پلازا» قايتادان كوروناۆيرۋستىق ينفەكتسيياعا شالدىققان پاتسيەنتەردٸ قابىلدايتىن بولادى», - دەدٸ ول.
