«Ramada plaza» qaitadan koronavirýs infektsiiasyna shaldyqqan patsienterdi qabyldaidy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy QazAqparat.
«Búgingi kúni infektsiialyq aýrýdyń qaitadan óskenin baiqap otyrmyz. 28 maýsymda tańǵy ýaqyt boiynsha infektsiialyq statsionarlarda 1 403 patsient jatyr. Onyń ishinde KVI-ge shaldyqqandar sany – 1256 adam, pnevmoniiamen – 147. Osylaisha júkteme 70 paiyzdy qurap otyr», - dedi basqarma basshysy.
Timýr Muratovtyń atap ótýinshe, qalada statsionarlardyń tósek-oryn qýaty 2 026 oryndy quraidy. Onyń 2 001-i infektsiialyq, 25-i karantindik tósek-oryn sanalady. Qazirgi ýaqytta KVI kúresýge 14 statsionar, onyń ishinde 13-i infektsiialyq, 1-ýi karantindik statsionar jumyldyrylǵan.
«Esterińizge sala ketsek, ótken jyly kovidti statsionar, keiin karantindik statsionar retinde ashylǵan, infektsiialyq statsionarǵa qaita beiimdelgen burynǵy «Ramada plaza» qonaq úiin japqan bolatynbyz. Qazir jaǵdaidy eskere otyryp, bizge sol jerde qaitadan 500 oryndy infektsiialyq tósekter ornalastyrýǵa týra kelip otyr. Osylaisha, «Ramada plaza» qaitadan koronavirýstyq infektsiiaǵa shaldyqqan patsienterdi qabyldaityn bolady», - dedi ol.
