فوتو اشىق دەرەككٶزدەن الىندى
قازاقستاندىق جارتىلاي ورتا سالماقتاعى فايتەر شاۆكات راحمونوۆ كەلەسٸ UFC جەكپە-جەگٸندە امەريكالىق دجەفف نيلمەن كەزدەسەتٸنٸن, ال جەكپە-جەك 2023 جىلعى كٶكتەمگە اۋىستىرىلاتىنىن راستادى, - دەپ حابارلايدى Tengrinews.kz پورتالى Vesti.kz-كە سٸلتەمە جاساپ.
قارسىلاستار 14 قاڭتاردا كەزدەسۋٸ كەرەك ەدٸ, بٸراق نيل جاراقات الىپ, تۋرنيردەن باس تارتۋعا مەجبٷر بولدى. سونىمەن قاتار, كەيٸن Instagram جەلٸسٸندەگٸ تٸكەلەي ەفيردە شاۆكات امەريكالىقپەن جەكپە-جەكتٸڭ كەيٸنگە شەگەرٸلگەنٸن حابارلادى.
"دجەفف نيل جاراقات الدى. باسقا قارسىلاس شىعا المادى. قۇداي قالاسا, جەكپە-جەك ناۋرىزعا شەگەرٸلدٸ", - دەدٸ راحمونوۆ.
بۇعان دەيٸن رەسەيلٸك ينسايدەر يگور لازورين راحمونوۆقا رەيتينگٸ 0-دەن تٶمەن اداممەن جەكپە-جەك ٶتكٸزۋ تيٸمسٸز ەكەنٸن حابارلاعان. اقش-تىڭ تاعى بٸر فايتەر برايان باربەرەنا راحمونوۆپەن جۇدىرىقتاسۋعا نيەت بٸلدٸرگەن ەدٸ.
ەسكە سالايىق, نيل جارتىلاي ورتا سالماقتاعى فايتەرلەر اراسىندا UFC رەيتينگٸندە جەتٸنشٸ, ال راحمونوۆ ونىنشى ورىندا تۇر.
