الماتى قالاسىندا كوروناۆيرۋس ينفەكتسيياسىن سيمپتومسىز تاراتۋشىلار انىقتالىپ, وسىعان بايلانىستى «راحات» كونديتەرلٸك فابريكاسى كارانتينگە جابىلدى, دەپ حابارلايدى قازاقپارات.
العاشىندا جوعارى تەمپەراتۋراسى بار 8 ادام انىقتالدى. سونىمەن بٸرگە 1450 قىزمەتكەرگە تەست جٷرگٸزٸلگەن. وسىعان بايلانىستى قر باس مەملەكەتتٸك سانيتار دەرٸگەرٸنٸڭ قاۋلىسىنداعى تالاپتارعا سەيكەس قىزمەتكەرلەر ٷي كارانتينٸنە الىندى.
فابريكا ەكٸمشٸلٸگٸ ٶز شەشٸمٸمەن جۇمىستى 15 ماۋسىمعا دەيٸن توقتاتقان. اۋداندىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارمالارىنا ەپيدەميياعا قارسى شارالار تولىعىمەن اياقتالعانشا فابريكا جۇمىسىن توقتاتۋ تۋرالى قاۋلى بەرٸلدٸ.
«كٶرٸپ وتىرعاندارىڭىزداي, سٸزدەردٸڭ تاراپتان قاۋٸپسٸزدٸك شارالارىنىڭ قامتاماسىز ەتٸلمەۋٸ ۇيىم قىزمەتكەرلەرٸ اراسىندا اۋرۋدىڭ تاراۋىنا جەنە نىساننىڭ جۇمىسىن توقتاتۋعا الىپ كەلدٸ. پەرسونال مەن كەلۋشٸلەر تەرمومەتريياسى, ەلەۋمەتتٸك قاشىقتىقتىڭ ساقتالۋىن قامتاماسىز ەتۋ, سانيتايزەر مەن دەزينفەكتسييالىق قۇرالدار قورى بولۋى كەرەك قوي. سانيتارلىق-ەپيدەميولوگييالىق قاۋٸپسٸزدٸك رەجيم شارالارىن قاتاڭ تٷردە ساقتاۋدى تالاپ ەتەمٸن. ماسكا تاعۋ رەجيمٸن ساقتاپ, جەكە قورعانىس قۇرالدارىن (ماسكا, قولعاپ) اۋىستىرىپ تۇرۋ ٶتە ماڭىزدى», - دەدٸ كەسٸپكەرلەرگە قاراتا ايتقان سٶزٸندە جانداربەك بەكشين.
مونيتورينگ توبىنىڭ باقىلاۋ شارالارىنىڭ بارىسىندا 11-12 ماۋسىمدا 120 كەسٸپكەرلٸك سۋبەكتٸ تەكسەرٸلدٸ. ونىڭ ٸشٸندە 29-نان تەرتٸپ بۇزۋ فاكتٸلەرٸ انىقتالدى: «اينبۇلاق», «قازىنا», «ميزام», «ٶجەت», «ەسەم», نازار جك, «سوچي» بازارلارى, «ٷرٸمشٸ», «احاەۆا» جك اسحانالارى, «ستروي سيتي», «الاتاۋ-2», «جٸبەك جولى» متتس, «جٸبەك-جولى» سٷ ساۋدا ورتالىقتارى, «قوجاحمەت» جك كانتسەليارييالىق تاۋارلار دٷكەنٸ, «كابۋلدينوۆ» جك, «اسوەۆ م.ك.» جك ازىق-تٷلٸك دٷكەندەرٸ, «KOMPRESSOR» جشس, «M-Retail» جشس قوسالقى بٶلشەكتەر دٷكەنٸ, «Magnum Cash &Carry» جشس, «ساپسان» جشس مەديتسينالىق كومپانيياسى, «ەلييا», «ەسەل» سۇلۋلىق سالوندارى, «مەستو ۆسترەچي», «پراجەچكا», «لۋنا», «Oscar cinema&karaoke», «Degirmen», «Istanbul», «light bar», «الماتى دونەر», «تسەنتر شاشلىكا» دەمحانالارى.
«ماسكا رەجيمٸنٸڭ ساقتالماۋى, تەرٸگە ارنالعان انتيسەپتيك پەن دەزينفەكتسييالىق قۇرالدار, سانيتايزەردٸڭ جوقتىعى, دەزينفەكتسييالىق تۋننەلدەردٸڭ جارامسىزدىعى, تەمپەراتۋرا ٶلشەۋ تەرتٸبٸنٸڭ ساقتالماۋى, سونىمەن بٸرگە كٸرەبەرٸستە اقپاراتتىق حابارلاندىرۋدىڭ جوقتىعى سىندى كەمشٸلٸكتەر انىقتالدى»,– دەپ قوستى بەكشين.
مونيتورينگ توبى جۇمىسىن باستاعالى بەرٸ قالا بويىنشا 2 606 نىسان تەكسەرٸلٸپ, ونىڭ ٸشٸندە 194-نەن الماتى قالاسى باس مەملەكەتتٸك سانيتار دەرٸگەرٸنٸڭ قاۋلىسىنداعى تالاپتار بۇزىلعانى انىقتالدى. سوعان بايلانىستى 94 نىساننىڭ جۇمىسى توقتاتىلدى.
