قىزىلوردا وبلىسىنىڭ جاڭاقورعان اۋدانىندا جوعالىپ كەتكەن 20 جاستاعى جٸگٸتتٸڭ مەيٸتٸ قۇدىقتان تابىلدى, دەپ حابارلايدى ult.kz.
قايعىلى جاعدايعا قاتىستى قىلمىستىق ٸس قوزعالىپ, مارقۇمنىڭ كەمەلەتكە تولماعان تۋعان ٸنٸسٸ كٷدٸككە ٸلٸنگەن.
مەيٸرجان رٷستەم 30 مامىر كٷنٸ تٷندە ٷيٸنٸڭ اۋلاسىندا ۇيىقتاعان. الايدا تاڭەرتەڭ جاقىندارى ونىڭ جوعالىپ كەتكەنٸن بايقاعان. تۋىستارى ٶز بەتتەرٸنشە ٸزدەۋ جۇمىستارىن جٷرگٸزٸپ, جٸگٸتتٸڭ دەنەسٸن بٸر تەۋلٸكتەن كەيٸن ٷيٸنەن شامامەن 400 مەتر جەردەگٸ جەرگٸلٸكتٸ سۋ قۇبىرىنىڭ قۇدىعىنان تاپقان.
تۋىستارىنىڭ ايتۋىنشا, مارقۇمنىڭ دەنەسٸندە كٶگەرگەن ٸزدەر مەن موينىندا جٸپكە ۇقساس ٸزدەر بولعان. كەي دەرەكتە ونىڭ دەنەسٸ كٶرپەگە ورالعان كٷيدە تابىلعانى ايتىلعان.
قازٸرگٸ تاڭدا قىلمىستىق ٸس بويىنشا مارقۇمنىڭ 15 جاستاعى تۋعان ٸنٸسٸ كٷدٸكتٸ رەتٸندە قاماۋعا الىنعان. الايدا وتباسى بۇل نۇسقامەن كەلٸسپەيدٸ. تۋىستارى جاسٶسپٸرٸمنٸڭ قىلمىسقا قاتىسى جوق ەكەنٸن ايتىپ, ٸستٸڭ بارلىق مەن-جايى تولىق ەرٸ وبەكتيۆتٸ تەكسەرٸلۋٸن تالاپ ەتٸپ وتىر.
