فوتو: اشىق دەرەككٶز
ەلوردا پروكۋراتۋراسى «Qyran» تۇرعىن ٷي كەشەنٸندەگٸ پەتەرلەردٸ ەكٸ رەت ساتۋ دەرەگٸ بويىنشا قىلمىستىق ٸستٸ سوتقا جولدادى, دەپ حابارلايدى Ult.kz.
سوتقا دەيٸنگٸ تەرگەپ-تەكسەرۋ بارىسىندا كٷدٸكتٸلەر قۇرىلىس كومپانيياسىنىڭ قىزمەتكەرلەرٸ بولا وتىرىپ, «Qyran» تۇرعىن ٷي كەشەنٸندەگٸ پەتەرلەردٸ قايتالاپ ساتۋ ارقىلى ازاماتتاردى الداعانى انىقتالعان.
تەرگەۋ مەلٸمەتٸنشە, ولار «International Invest Company IIC» جشس اتىنان ەرەكەت ەتٸپ, جىلجىمايتىن مٷلٸكتٸ ساتۋ قۇقىعىن راستايتىن ماكەتتەردٸ, تەحنيكالىق پاسپورتتاردى جەنە ٶزگە دە قۇجاتتاردى كٶرسەتكەن. ازاماتتارعا پەتەرلەردٸ, تۇرعىن ەمەس ٷي-جايلاردى جەنە اۆتوتۇراق ورىندارىن نارىقتىق باعادان تٶمەن قۇنمەن ساتىپ الۋ ۇسىنىلعان.
الايدا زاڭدى ساتىپ الۋ-ساتۋ شارتىنىڭ ورنىنا مەملەكەتتٸك تٸركەۋگە جاتپايتىن برونداۋ شارتتارى, كەپٸل كەلٸسٸمدەرٸ جەنە الدىن الا شارتتار رەسٸمدەلگەن. ساتىپ الۋشىلار قاراجاتتى كٷدٸكتٸلەردٸڭ جەكە شوتتارىنا اۋدارۋ ارقىلى نەمەسە قولما-قول تٶلەگەن.
قىلمىستىق ەرەكەتتەر سالدارىنان كەلتٸرٸلگەن شىعىن كٶلەمٸ 8 ميلليارد تەڭگەدەن اسقان.
سوت سانكتسيياسىمەن جالپى سوماسى 7,4 ميلليارد تەڭگەنٸ قۇرايتىن جىلجىمايتىن جەنە جىلجىمالى مٷلٸككە تىيىم سالىندى.
ٷش كٷدٸكتٸگە قاتىستى قاماۋدا ۇستاۋ تٷرٸندەگٸ بۇلتارتپاۋ شاراسى قولدانىلسا, تٶرتٸنشٸسٸنە كەپٸل تٷرٸندەگٸ شارا تاڭدالعان.
قىلمىستىق ٸس مەنٸ بويىنشا قاراۋ ٷشٸن سوتقا جٸبەرٸلدٸ.
