Foto: ashyq derekkóz
Elorda prokýratýrasy «Qyran» turǵyn úi keshenindegi páterlerdi eki ret satý deregi boiynsha qylmystyq isti sotqa joldady, dep habarlaidy Ult.kz.
Sotqa deiingi tergep-tekserý barysynda kúdiktiler qurylys kompaniiasynyń qyzmetkerleri bola otyryp, «Qyran» turǵyn úi keshenindegi páterlerdi qaitalap satý arqyly azamattardy aldaǵany anyqtalǵan.
Tergeý málimetinshe, olar «International Invest Company IIC» JShS atynan áreket etip, jyljymaityn múlikti satý quqyǵyn rastaityn maketterdi, tehnikalyq pasporttardy jáne ózge de qujattardy kórsetken. Azamattarǵa páterlerdi, turǵyn emes úi-jailardy jáne avtoturaq oryndaryn naryqtyq baǵadan tómen qunmen satyp alý usynylǵan.
Alaida zańdy satyp alý-satý shartynyń ornyna memlekettik tirkeýge jatpaityn brondaý sharttary, kepil kelisimderi jáne aldyn ala sharttar rásimdelgen. Satyp alýshylar qarajatty kúdiktilerdiń jeke shottaryna aýdarý arqyly nemese qolma-qol tólegen.
Qylmystyq áreketter saldarynan keltirilgen shyǵyn kólemi 8 milliard teńgeden asqan.
Sot sanktsiiasymen jalpy somasy 7,4 milliard teńgeni quraityn jyljymaityn jáne jyljymaly múlikke tyiym salyndy.
Úsh kúdiktige qatysty qamaýda ustaý túrindegi bultartpaý sharasy qoldanylsa, tórtinshisine kepil túrindegi shara tańdalǵan.
Qylmystyq is máni boiynsha qaraý úshin sotqa jiberildi.
