قر بٸلٸم جەنە عىلىم ۆيتسە-مينيسترٸ ميراس دەۋلەنوۆ «QAZVAC» وتاندىق ۆاكتسيناسىن كلينيكالىق زەرتتەۋدٸڭ ارالىق نەتيجەلەرٸن باياندادى, دەپ حابارلايدى قازاقپارات.
«قازٸرگٸ ۋاقىتتا 244 ەرٸكتٸگە جاسالعان كلينيكالىق زەرتتەۋلەردٸڭ 1-2 فازاسى اياقتالۋدا جەنە 3000 ەرٸكتٸگە جاسالعان ٷشٸنشٸ كەزەڭنٸڭ كلينيكالىق زەرتتەۋلەرٸنٸڭ 50%-ى 15 سەۋٸردە اياقتالادى. كلينيكالىق زەرتتەۋلەر حاتتاماسىنا جەنە دەنساۋلىق ساقتاۋ مينيسترلٸگٸنٸڭ, ددۇ تالاپتارىنا سەيكەس كلينيكالىق زەرتتەۋلەر جٷرگٸزۋدٸڭ بەلگٸلٸ بٸر مەرزٸمدەرٸ بار ەكەنٸن تٷسٸنۋٸمٸز كەرەك. ال كلينيكالىق زەرتتەۋلەردٸڭ ٷشٸنشٸ كەزەڭٸندە كەم دەگەندە 70 كٷن بولۋى كەرەك. سوندىقتان مۇندا بەرٸمٸز شىدامدىلىق تانىتىپ, تٷپكٸلٸكتٸ نەتيجەنٸ كٷتۋٸمٸز كەرەك. دەگەنمەن, 15 سەۋٸردە ٷشٸنشٸ كەزەڭنٸڭ 50%-ىنا قول جەتكٸزٸلەتٸندٸكتەن, بٷگٸن بٸز اتقارىلعان جۇمىستىڭ كەيبٸر نەتيجەلەرٸن بٶلٸسكٸمٸز كەلەدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەكپە العان ەرٸكتٸلەر ۆاكتسينانىڭ ٶزٸن دە, پلاتسەبوسىن دا سالدىرعان.
«ياعني, بٸزدە «سوقىر» راندوميزاتسييالانعان زەرتتەۋ قولدانىلادى, ەرٸكتٸنٸڭ ٶزٸ بۇل جاعدايدا ناقتى ۆاكتسينا نەمەسە پلاتسەبو العانىن بٸلمەيدٸ, تيٸسٸنشە ٶزدەرٸ مەن-جايدى بٸلمەيٸنشە ەرٸكتٸلەر تۋرالى مەلٸمەتتەردٸ كٶرسەتە المايمىز, تٸپتٸ مەن مينيستردٸڭ ورىنباسارى رەتٸندە ۆاكتسينانى نەمەسە پلاتسەبونى كٸم العانىن بٸلمەيمٸن. مۇنىڭ بەرٸن دەرەكتەردٸ جارييالاپ, قۇجاتتاردى دەنساۋلىق ساقتاۋ مينيسترلٸگٸنە بەرگەننەن كەيٸن بٸلەمٸز. دەنساۋلىق ساقتاۋ مينيسترلٸگٸ بەكٸتكەن حاتتاماعا سەيكەس بارلىعى قالىپتى تٷردە جٷرٸپ جاتىر. الماتى جەنە تاراز قالالارىندا تيٸستٸ GCP سەرتيفيكاتتارى بار كلينيكالاردا زەرتتەۋ جٷرٸپ جاتىر. بارلىق ەرٸكتٸلەر اپتا سايىن دەرٸگەرلەرگە دەنساۋلىعىنىڭ جاي-كٷيٸ تۋرالى حابارلايدى, كلينيكالارعا ٷنەمٸ كەلٸپ تۇرادى, ولاردى دەرٸگەرلەر باقىلايدى جەنە ەرٸكتٸلەردەن ۆيرۋسقا تەن انتيدەنەلەرگە دە, بەيتاراپتاندىراتىن انتيدەنەلەرگە دە سىناما الىنادى», - دەپ تٷسٸندٸردٸ دەۋلەنوۆ.
