بٷگٸن, 23 تامىزدا, قازاقستاندا جاڭا بٸر پالاتالى قۇرىلتاي دەپۋتاتتارىنىڭ العاشقى سايلاۋى ٶتۋدە. داۋىس بەرۋ بارىسىن قازاقستاندىق جەنە شەتەلدٸك باقىلاۋشىلار باقىلاۋدا. سايلاۋ پروتسەسٸمەن تانىسۋ ماقساتىندا استاناداعى №282 سايلاۋ ۋچاسكەسٸنە رەسەي فەدەراتسيياسى ورتالىق سايلاۋ كوميسسيياسىنىڭ تٶرايىمى ەللا پامفيلوۆا باردى, دەپ حابارلايدى ult.kz.
ەللا پامفيلوۆا داۋىس بەرۋ بارىسىمەن تانىسىپ, كوميسسييا مٷشەلەرٸنٸڭ جۇمىسىن جەنە سايلاۋشىلار ٷشٸن جاسالعان جاعدايلاردى باعالادى. ول رەسەي ورتالىق سايلاۋ كوميسسيياسىنىڭ ٶكٸلدەرٸ بۇعان دەيٸن دە قازاقستانداعى سايلاۋلارعا تۇراقتى تٷردە باقىلاۋشى رەتٸندە قاتىسىپ كەلگەنٸن اتاپ ٶتتٸ. الايدا ورتالىق سايلاۋ كوميسسيياسىنىڭ تٶرايىمى رەتٸندە قازاقستانعا سايلاۋدى باقىلاۋ ٷشٸن العاش رەت كەلگەنٸن ايتتى.
«قازاقستانداعى ەر سايلاۋعا رەسەيدەن مٸندەتتٸ تٷردە مەنٸڭ ەرٸپتەستەرٸم كەلەدٸ. ال مەن ورتالىق سايلاۋ كوميسسيياسىنىڭ تٶرايىمى رەتٸندە العاش رەت كەلٸپ وتىرمىن. مەن ەرٸپتەسٸمە مٸندەتتٸ تٷردە كەلەمٸن دەپ ۋەدە بەرگەن ەدٸم. ٶيتكەنٸ بۇل سايلاۋدىڭ قانشالىقتى ماڭىزدى ەكەنٸن تٷسٸنەمٸن. بۇل – جاڭا كونستيتۋتسيياعا سەيكەس ٶتٸپ جاتقان قۇرىلتايدىڭ العاشقى سايلاۋى», – دەدٸ ەللا پامفيلوۆا.
ونىڭ ايتۋىنشا, قازاقستان مەن رەسەيدٸڭ سايلاۋ ورگاندارى تىعىز ىنتىماقتاستىق ورناتىپ, تەجٸريبەلەرٸمەن تۇراقتى تٷردە الماسىپ كەلەدٸ. قازاقستاندىق ماماندار رەسەيدەگٸ سايلاۋلارعا قاتىسسا, رەسەيلٸك ەرٸپتەستەر ٶز كەزەگٸندە قازاقستانداعى سايلاۋ ناۋقاندارىن باقىلاۋعا قاتىسادى.
«بٷگٸن بٸز بٸرنەشە سايلاۋ ۋچاسكەسٸنە دە باردىق. ولاردىڭ بارلىعى ۋاقىتىندا اشىلدى. كوميسسييا مٷشەلەرٸنٸڭ دايىندىعى ٶتە جاقسى. ولاردى وقىتۋ بويىنشا ٷلكەن جۇمىس جٷرگٸزٸلگەنٸ كٶرٸنٸپ تۇر. ەرقايسىسى ٶز مٸندەتٸن جاقسى بٸلەدٸ, سايلاۋشىلارعا ٶتە مۇقييات ەرٸ سىپايى قارىم-قاتىناس جاسايدى. داۋىس بەرۋ قۇپيياسى قامتاماسىز ەتٸلگەن. ۇيىمداستىرۋ دەڭگەيٸ ٶتە جوعارى», – دەدٸ ول.
ەللا پامفيلوۆا قازاقستانداعى سايلاۋ پروتسەسٸندە رەسەي تەجٸريبەسٸندە قولدانۋعا بولاتىن بٸرقاتار شەشٸمدەرگە نازار اۋدارعانىن دا ايتتى.
ونىڭ سٶزٸنشە, بيۋللەتەن العان كەزدە سايلاۋشى تٸزٸمنەن تەك ٶزٸنٸڭ جەكە دەرەكتەرٸن عانا كٶرە الادى. رەسەي وسك تٶرايىمى بۇل تەجٸريبەگە وڭ باعا بەرٸپ, ونى رەسەيدە دە قولدانۋ مٷمكٸندٸگٸ قاراستىرىلاتىنىن جەتكٸزدٸ.
«مەن بٸرنەشە ٶتە پايدالى شەشٸمگە نازار اۋدارىپ ٷلگەردٸم. ماعان جەكە دەرەكتەردٸڭ تولىق قۇپييالىلىعىن قامتاماسىز ەتۋگە مٷمكٸندٸك بەرەتٸن ترافارەتتەر ٶتە ۇنادى. سايلاۋشىلار بيۋللەتەن العان كەزدە قول قويعان ۋاقىتتا تٸزٸمنەن تەك ٶز دەرەكتەرٸن عانا كٶرەدٸ. بۇل – ٶتە جاقسى شەشٸم. مەنٸڭ ويىمشا, بٸز دە وسى تەجٸريبەنٸ قولدانامىز. سونىمەن قاتار نازارىمىزعا العان باسقا دا تۇستار بار», – دەدٸ ەللا پامفيلوۆا.
سونداي-اق ەللا پامفيلوۆا قازاقستانعا ساپارى بارىسىندا باسقا مەملەكەتتەردٸڭ سايلاۋ ورگاندارىنىڭ ٶكٸلدەرٸمەن كەزدەسٸپ, تەجٸريبە الماسقانىن حابارلادى. ونىڭ ايتۋىنشا, قازاقستانداعى سايلاۋدى باقىلاۋ ٷشٸن 22 ەلدٸڭ ٶكٸلدەرٸ كەلگەن. ول مۇنداي كەزدەسۋلەر مەملەكەتتەرگە بٸر-بٸرٸنٸڭ تيٸمدٸ تەجٸريبەلەرٸن زەردەلەۋگە مٷمكٸندٸك بەرەتٸنٸن اتاپ ٶتتٸ.
سٶز سوڭىندا ەللا پامفيلوۆا قازاقستانداعى داۋىس بەرۋ كٷنٸنٸڭ سەتتٸ ٶتۋٸنە تٸلەكتەستٸك بٸلدٸرٸپ, سايلاۋدىڭ ۇيىمداستىرىلۋ دەڭگەيٸنە وڭ باعاسىن بەردٸ.
