قازاقستاندا بيزنەستٸ نەسيەلەۋدٸڭ بٸرنەشە جىلعا سوزىلعان تٶمەندەۋ ٷردٸسٸ توقتاپ, بانكتەر ەكونوميكانى بەلسەندٸ قارجىلاندىرۋعا قايتا كٶشتٸ. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مەلٸمدەدٸ, دەپ حابارلايدى ult.kz.
ونىڭ ايتۋىنشا, 2017–2020 جىلدارى ناقتى سەكتوردى نەسيەلەۋ 16,1%-عا قىسقارعان. ال 2021 جىلدان باستاپ تۇراقتى ٶسٸم بايقالعان.
"2021–2025 جىلدارى بيزنەسكە بەرٸلگەن كرەديتتەر جىل سايىن ورتا ەسەپپەن 15,3%-عا ٶستٸ. 2020 جىلدان باستاپ ولاردىڭ كٶلەمٸ 2 ەسەدەن استام 16,1 ترلن تەڭگەگە دەيٸن ٶستٸ, ال قارىز الۋشى كەسٸپكەرلەر سانى 57 مىڭنان 597 مىڭعا دەيٸن ٶستٸ", - دەيدٸ مادينا ەبٸلقاسىموۆا.
بانكتەرگە ٸرٸ جوبالاردى قارجىلاندىرۋعا مٷمكٸندٸك كەڭەيدٸ
مەدينا ەبٸلقاسىموۆانىڭ ايتۋىنشا, بانكتەردٸڭ ٸرٸ ينۆەستيتسييالىق جوبالاردى قارجىلاندىرۋ مٷمكٸندٸگٸ دە كەڭەيتٸلگەن.
شاعىن جەنە ورتا بيزنەسكە بەرٸلەتٸن نەسيەلەر مەن سينديكاتتىق قارىزداردىڭ تەۋەكەل سالماعى 50%-عا دەيٸن تٶمەندەتٸلدٸ. سونىمەن قاتار شوب-تى كەپٸلدەندٸرۋ قورى قۇرىلىپ, سينديكاتتىق نەسيەلەۋدٸڭ قۇقىقتىق بازاسى قالىپتاستىرىلدى.
«بەيتەرەك» حولدينگٸمەن بٸرلەسٸپ جالپى قۇنى 10,7 ترلن تەڭگە بولاتىن ينۆەستيتسييالىق جوبالار پۋلى جاساقتالعان. ونىڭ ٸشٸندە قۇنى 2,5 ترلن تەڭگە بولاتىن توعىز جوبا ماقۇلدانعان.
ەندٸگٸ مٸندەت — بانكتەردٸڭ ينۆەستيتسييالىق جوبالارعا قاتىسۋىن كەڭەيتٸپ, مەملەكەتتٸك تٸكەلەي قارجىلاندىرۋدان جەكە بانكتٸك كاپيتالدى تارتۋعا بٸرتٸندەپ كٶشۋ.
ەبٸلقاسىموۆانىڭ ايتۋىنشا, بانك سەكتورى ساۋىقتىرۋ كەزەڭٸنەن ٶتٸپ, تۇراقتىلىقتىڭ ايتارلىقتاي قورىن قالىپتاستىرعان. ەندٸگٸ ماقسات — بۇل رەسۋرستى بيزنەستٸ, جەكە ينۆەستيتسييالاردى جەنە ەكونوميكالىق ٶسٸمدٸ قارجىلاندىرۋعا كٶبٸرەك باعىتتاۋ.
