مەملەكەت باسشىسى قاسىم-جومارت توقاەۆ قازاقستاننىڭ جاڭا كونستيتۋتسيياسىنىڭ زاڭدى كٷشٸنە ەنۋٸنە وراي حالىققا ٷندەۋ جاساپ, بۇل كٷندٸ ەل تاريحىنداعى جاڭا كەزەڭنٸڭ باستاۋى دەپ اتادى, دەپ حابارلايدى ult.kz.
"قۇرمەتتٸ وتانداستار!
جاڭا كونستيتۋتسييامىزدىڭ زاڭدى كٷشٸنە ەنۋٸ – بٷكٸل ەلٸمٸز ٷشٸن ايرىقشا ماڭىزدى وقيعا. بارشاڭىزدى شىن جٷرەكتەن قۇتتىقتايمىن!
بٷگٸن تەۋەلسٸز قازاقستان تاريحىنىڭ جاڭا دەۋٸرٸ باستالادى. بٸز ساياسي-ەكونوميكالىق رەفورمالاردىڭ, اۋقىمدى ٶزگەرٸستەردٸڭ جەنە قارقىندى دامۋدىڭ داڭعىل جولىنا تٷسەمٸز.
وسى ەرەكشە كٷن ەلٸمٸزدٸڭ بٷكٸل ساياسي جٷيەسٸن, سونداي-اق مەملەكەتتٸڭ جەنە ازاماتتىق قوعامنىڭ نەگٸزگٸ ينستيتۋتتارىن تٷبەگەيلٸ جاڭعىرتۋ كەزەڭٸ باستالعانىن اڭعارتادى.
15 ناۋرىزدا ٶتكەن جالپىۇلتتىق رەفەرەندۋمدا قازاقستان حالقى ەل تاعدىرىنا تٸكەلەي ىقپال ەتەتٸن جەنە مەملەكەتتٸڭ ونداعان جىلدارعا ارنالعان دامۋ باعدارىن ايقىندايتىن تاڭداۋىن جاسادى. ميلليونداعان وتانداسىمىز بەرەكەلٸ بٸرلٸك تانىتىپ, شىنايى وتانشىلدىق پەن جوعارى جاۋاپكەرشٸلٸكتٸڭ وزىق ٷلگٸسٸن كٶرسەتتٸ. بۇل تاريحي شەشٸمنٸڭ تٶل شەجٸرەمٸزدە التىن ەرٸپپەن جازىلاتىنى انىق.
بۇدان بىلاي كونستيتۋتسييا كٷنٸ «ناۋرىزناما» ونكٷندٸگٸمەن قاتار اتالىپ ٶتەدٸ. مۇنىڭ سيمۆولدىق مەنٸ زور. كونستيتۋتسييا كٷنٸ ەل ٸشٸندە عاسىرلار بويى ورنىققان كٶكتەمگٸ جاڭارۋ دەستٷرلەرٸن اتا زاڭنىڭ باستى قاعيداتتارىمەن توعىستىرادى, ياعني ازاماتتارىمىزدىڭ ىرىستى ىنتىماققا, وزىق بٸلٸمگە, ەل يگٸلٸگٸ جولىندا ادال ەڭبەك ەتۋگە دەگەن تالپىنىسىمەن ٷندەسەدٸ.
بٸز ناعىز حالىق كونستيتۋتسيياسىنىڭ مىزعىماس قۇقىقتىق نەگٸزٸنە ارقا سٷيەپ, بارلىق ماقسات-مۇراتتارىمىزعا مٸندەتتٸ تٷردە جەتەمٸز. زاڭ مەن تەرتٸپ, ەڭبەكسٷيگٸشتٸك پەن ٶرلەۋ, تازالىق پەن تابيعاتتى ايالاۋ سىندى جاسامپازدىق قۇندىلىقتارىن قوعامدا بەرٸك ورنىقتىرامىز. بۇعان ەش كٷمەنٸم جوق.
بٸز بٸرلٸگٸ بەكەم, بٸرتۇتاس ۇلت رەتٸندە ەلەمدٸك ٶركەنيەتتٸڭ شىڭىن باعىندىرىپ, بارشاعا بٸردەي مٷمكٸندٸك بەرەتٸن جەنە بارلىق ازاماتتىڭ جان-جاقتى دامۋىنا جول اشاتىن مەملەكەتتٸ – ەدٸلەتتٸ قازاقستاندى قۇرامىز!
قاستەرلٸ وتانىمىزدى كٶركەيتۋ جولىنداعى جوسپارلارىمىزدى ويداعىداي ورىندايمىز. مەن بۇعان كەمٸل سەنەمٸن!
قازاقستان رەسپۋبليكاسى جاساي بەرسٸن!
حالقىمىز مەڭگٸ جاساسىن!", - دەلٸنگەن ٷندەۋدە.
