قازاقستاندىق ەلەمنٸڭ 42-راكەتكاسى يۋلييا پۋتينتسەۆا ۋيمبلدون تۋرنيرٸنٸڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".
پۋتينتسەۆا ەكٸنشٸ اينالىمدا ەلەمنٸڭ 33-ٸنشٸ, وسى «ٷلكەن دۋلىعا» دوداسىنىڭ 30-راكەتكاسى, يسپانييالىق پاۋلا بادوسامەن كٷش سىناستى.
بٸرٸنشٸ پارتييادا يسپانييالىق تەننيسشٸ 6:4 ەسەبٸمەن باسىمدىلىق تانىتتى.
بادوسا ەكٸنشٸ سەتتە قارقىنىن تٸپتٸ ٷدەتتٸ – 6:1.
بەسەكە 1 ساعات 20 مينۋتقا سوزىلدى.
ماتچ بارىسىندا يسپانييالىق سپورتشى 2 ەيس جاساپ, 9 برەيك- پوينتتىڭ بەسەۋٸن پايدالاندى. بٸردە-بٸر رەت ەيس جاساماعان پۋتينتسەۆا 3 برەيك-پوينتتىڭ ەكەۋٸن ٶز ەسەبٸنە جازدى.
وسىلايشا ۋيمبلدوندا جەكەلەي سىندا قازاقستاننان الەكساندر بۋبليك پەن ەلەنا رىباكينا عانا قالدى.
بادوسا تٶرتٸنشٸ اينالىمعا شىعۋ ٷشٸن ەلەمنٸڭ بەسٸنشٸ, وسى جارىستىڭ 3-راكەتكاسى, ۋكراينالىق ەلينا سۆيتولينا نەمەسە رەيتينگتە 44-ورىنداعى پولشا ٶكٸلٸ ماگدا لينەتتٸڭ بٸرەۋٸمەن تالاسادى.
