YouTube ارناسىندا تانىمال ستەنداپ-كوميك رۋسلان بەلىي بيلٸكتٸڭ استىرتىن تىيىمىنا بايلانىستى بيىل كٷزگە جوسپارلانعان بەس كونتسەرتٸنٸڭ ٷشەۋٸ ٶتپەي قالعانىن مەلٸمدەدٸ, دەپ حابارلايدى ازاتتىق.
16 قازاندا بەلىي سانكت-پەتەربۋرگتەگٸ مەدەنيەت ٷيٸندە كونتسەرت ٶتكٸزۋگە تيٸس بولعان, بٸراق قالالىق مەدەنيەت كوميتەتٸنٸڭ شەشٸمٸمەن توقتاتىلعان.
كوميكتٸڭ سٶزٸنشە, وعان الدىنا الا ۋەدەلەسكەنٸنە قاراماستان, رەسەيدٸڭ بٸرٸنشٸ ارناسىنداعى "ۆەچەرنيي ۋرگانت" باعدارلاماسىنا شىعۋعا دا تىيىم سالىنعان.
ەرتٸس بۇل جايتتاردى ٶزٸنٸڭ ساياسي تاقىرىپتاردى ەجۋا-قالجىڭعا جيٸ اينالدىرعانىنان كٶرەدٸ. ونىڭ قالجىڭدارىنا ۆلاديمير پۋتيننەن باستاپ, رەسەيدٸڭ ٶزگە دە كٶپتەگەن جوعارى لاۋازىمدى تۇلعالارى ٸلٸككەن. بەلىي ٶزٸنە قويىلعان توسقاۋىل رەسەي پرەزيدەنتٸنٸڭ ەكٸمشٸلٸگٸنەن تٷسٸپ وتىر دەپ سانايدى.
ەرتٸستٸڭ سٶزٸنشە, "كەرەكسٸز ەرتٸستەر" تۋرالى پرەزيدەنت پۋتين ەكٸمشٸلٸگٸ بەكٸتكەن تٸزٸمگە ٸلٸككەن.
"ەرتٸستەردٸ سارى جەنە قىزىل تٸزٸمگە ەنگٸزەتٸنٸن ەستٸگەنمٸن. سارىسى – "تٷسٸنٸكسٸزدەر", ال قىزىلى - "تىيىم سالىنعاندار". ٶزٸمە رەسمي تٷردە ايتقان ەمەس. بۇل باستاما پرەزيدەنت ەكٸمشٸلٸگٸنەن شىعىپ جاتقان سيياقتى. بۇل تٸزٸمنەن شىعۋ مٷمكٸن ەمەس", – دەدٸ رۋسلان بەلىي.
"مەسەلە ساياسي تاقىرىپتى تۇزدىق ەتكەن "ٶزٸمٸز عوي" ("يا سۆوي") جەنە "مۇرتىمدى نەگە ۇزارتتىم" ("پوچەمۋ يا وتراستيل ۋسى") دەپ اتالاتىن ەزٸل-سىقاق كونتسەرتٸم Youtube-قا شىققاننان كەيٸن پايدا بولدى" دەپ جورامالدايدى ول. بۇل كونتسەرتتەرٸندە بەلىي رەسەي شەنەۋنٸكتەرٸنٸڭ "تىنىش احۋالدى شايقاۋدىڭ كەرەگٸ جوق" ("نە نادو راسكاچيۆات لودكۋ") دەگەن سٶزدٸ جيٸ قولداناتىنىن كٷلكٸگە اينالدىرعان.
كەيٸنگٸ جىلدارى رەسەيدە بيلٸكتٸ سىناعان نەمەسە ساياسي مەسەلەلەردٸ ەجۋالاعان ەرتٸستەر, مۋزىكانتتار مەن ستەنداپ-كوميكتەر كەسٸبي جۇمىستارىندا تٷرلٸ كەدەرگٸگە ۇشىرايتىنى اڭعارىلعان.
تاياۋدا كوميك يدراك ميرزاليزادەنٸڭ قويىلىمى ٷلكەن رەزونانس تۋعىزعان ەدٸ. قۇقىق قورعاۋشى ورگاندار ميرزاليزادەنٸڭ قالجىڭىن "ورىس حالقىنىڭ ار-وجدانىنا تيەتٸن قالجىڭ" دەپ باعالاعان. وسىدان كەيٸن ميرزاليزادەنٸ رەسەيگە كٸرگٸزبەۋ جٶنٸندە شەشٸم قابىلداعان. قازٸر بۇل ٸستٸ اپەللياتسييا سوتى قاراپ جاتىر.
پۋتين تۋرالى قالجىڭداعان تاعى بٸر كوميك دەنيس چۋجوي دا بيلٸكتٸڭ قىسىم جاساي باستاعانىن حابارلاعان.
