رەسەي پرەزيدەنتٸ ۆلاديمير پۋتين ۋكراينانىڭ كٶپ ايماعىن باسىپ الماق, سەبەبٸ ول سوعىستى باسقا قالاي توقتاتۋ كەرەگٸن بٸلمەيدٸ. بۇل تۋرالى Financial Times باسىلىمىنا پۋتيننٸڭ اينالاسىنداعى جاقىن ادامدار دەپ سانالاتىن كرەملدەگٸ ٷش دەرەككٶز ايتقان, - دەپ حابارلايدى Tengrinews.kz اگەنتتٸگٸ "ۋكراينسكايا پراۆدا" سايتىنا سٸلتەمە جاساپ
دەرەككٶزدەردٸڭ مەلٸمەتٸنشە, ناۋرىزدا پۋتين راسىندا رەسەيلٸك ەسكەردٸڭ جولى بولماعاننان كەيٸن ۋكراينامەن كەلٸسٸمگە كەلۋ تۋرالى ويلاعان. بٸراق قازٸر جاعداي ٶزگەرگەن.
قارا تەڭٸزدەگٸ "مەسكەۋ" كرەيسەرٸ اپاتىنان كەيٸن دەرەككٶزدەردٸڭ مەلٸمەتٸنشە, رەسەي پرەزيدەنتٸ اشۋلانىپ, جازباشا كەلٸسٸمگە كەلۋ تۋرالى يدەياسىنان باس تارتقان.
"قانداي دا بٸر كەلٸسٸمگە كەلەدٸ دەگەن ٷمٸت بولدى. پۋتين ارى-بەرٸ ويلاندى. بۇل جاعدايدا قالاي جەڭٸسكە جەتۋ كەرەگٸن ويلاپ, شەشٸمٸن تاپپاق بولدى. "مەسكەۋ" كرەيسەرٸ اپاتقا ۇشىراعاننان كەيٸن پۋتين ەشقانداي كەلٸسٸمگە قول قويمايتىنىن ۇقتىردى. ەندٸ ول ٶزٸن جەڭٸمپاز رەتٸندە كٶرمەيدٸ, سەبەبٸ كرەيسەردٸڭ اپاتى ول ٷشٸن ۇيات بولدى", - دەيدٸ دەرەككٶزدەردٸڭ بٸرٸ.
تاعى بٸر دەرەككٶز جۋرناليستەرگە رەسەيلٸك تەلەارنادا ايتىلىپ جاتقان نەرسە راس ەكەنٸن, پۋتين "ۇلى جەڭٸسكە" جەتپەك ەكەنٸن ايتتى. FT دەرەككٶزٸ گەنەرالدار پۋتين نە ەستٸگٸسٸ كەلسە سونى جەتكٸزەتٸنٸن, سونداي-اق ونىڭ اينالاسىنداعىلار رەسەيلٸك تەلەارنالاردا كٶرسەتٸلەتٸن ناسيحاتتاۋ ەرەكەتتەرٸن كٶرسەتٸپ جٷرگەنٸن ايتادى.
پۋتين جاقىن ادامدارىمەن ەڭگٸمەلەسكەنٸندە رەسەيلٸك ەسكەر ماريۋپولدەگٸ بەيبٸت حالىققا, ونىڭ ٸشٸندە, "ازوۆستال" زاۋىتىنداعى ادامدارعا وق اتىلماعانىن ايتىپتى-مىس.
رەسەي پرەزيدەنتٸ زەلەنسكييمەن كەزدەسۋدەن قاشاتىنىن, "ەزٸرگە كەزدەسۋ ۋاقىتى كەلمەگەنٸن" ايتادى. كرەمل دەرەككٶزدەرٸ الدىمەن پۋتين كەزدەسۋ ٷشٸن رەسەيلٸك ەسكەر ۋكراينانىڭ بٸراز ايماعىن باسىپ الۋى كەرەگٸن ايتقان.
كەيبٸر رەسەيلٸك شەنەۋنٸكتەر پۋتين ۋكراينادا يادرولىق قارۋ قولدانۋى مٷمكٸن دەپ الاڭداپ وتىر.
