ەرەۆانداعى ەسكەري پارادتا ساپ تٷزەپ بارا جاتقان رەسەيلٸك ەسكەريلەر. قىركٷيەك 2016 جىل.
رەسەي پرەزيدەنتٸ ۆلاديمير پۋتين ٷكٸمەتتٸڭ رەسەي مەن ارمەنييانىڭ بٸرٸككەن ەسكەرٸن قۇرۋ تۋرالى ۇسىنىسىن ماقۇلدادى. بۇل تۋرالى قۇجات رەسمي قۇقىقتىق اقپارات سايتىندا جارييالاندى.
بۇعان دەيٸن "ينتەرفاكس" اگەنتتٸگٸ رەسەي مەن ارمەنييانىڭ بٸرٸككەن ەسكەرٸن قۇرۋ جوسپارى تۋرالى حابارلاعان. ونىڭ نەگٸزگٸ مٸندەتتەرٸنٸڭ بٸرٸ رەتٸندە ەكٸ ەل اراسىنداعى شەكارانى قورعاۋ اتالعان.
شٸلدەنٸڭ سوڭىندا رەسەي قارۋ-جاراعىنىڭ ارمەنيياعا جەتكٸزٸلەتٸنٸ بەلگٸلٸ بولعان. سول كەزدە رەسەي پارلامەنتٸ بٸرٸككەن ەۋە-قورعانىسى كٷشتەرٸن قۇرۋدى ماقۇلداعان.
ارمەنيياداعى رەسەيدٸڭ ەڭ ٸرٸ ەسكەري نىسانى گيۋمريدەگٸ 102-ەسكەري بازاسى سانالادى. بۇل بازا تمد-نىڭ ەۋە شابۋىلىنان قورعانىس جٷيەسٸنە كٸرەدٸ جەنە ول س-300 زەنيت-زىمىران كەشەندەرٸمەن جابدىقتالعان.
