قازاقستان اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ ەۋە كومپانييالارىنا پتر تەستٸ نەتيجەسٸ تۋرالى انىقتاماسى جوق جولاۋشىلاردى ۇشاققا وتىرعىزۋعا تىيىم سالۋ تۋرالى شەشٸمٸن قر ٷكٸمەتٸنٸڭ باسپاسٶز قىزمەتٸ تٷسٸندٸردٸ, دەپ حابارلايدى "ۇلت اقپارات" ۆاك-تىڭ Telegram پاراقشاسىنا سٸلتەمە جاساپ.
قر اۋماعىندا كوروناۆيرۋس ينفەكتسييانسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا (ۆاك) اعىمداعى جىلدىڭ 26 قازانىنان باستاپ حالىقارالىق ەۋە تاسىمالىن جٷزەگە اسىراتىن ەۋە كومپانييالارىنا پتر-تەستٸنٸڭ نەتيجەلەرٸ تۋرالى انىقتاماسى جوق جولاۋشىلاردى ۇشاققا وتىرعىزۋعا تىيىم سالۋ تۋرالى شەشٸم قابىلدادى.
بۇل تالاپ تەك شەتەلدٸك ازاماتتارعا قاتىستى. شەتەلدە جٷرگەن قر ازاماتتارىنىڭ ەۋە رەيستەرٸمەن پتر-تەستٸلەۋدەن ٶتكەنٸ تۋرالى انىقتاماسىنسىز وتانىنا ورالۋعا قۇقىعى بار.
مۇنداي جاعدايدا قازاقستانعا كەلگەننەن كەيٸن قازاقستاندىقتار پتر-تەستٸلەۋ نەتيجەسٸن العانعا دەيٸن كارانتينگە ورنالاستىرىلاتىن بولادى.
قر ٶڭٸرلەرٸ اراسىنداعى ٸشكٸ ەۋە رەيستەرٸنٸڭ ۇشاعىنا وتىرعىزۋ كەزٸندە پتر-تەست نەتيجەسٸ تۋرالى انىقتاما تالاپ ەتٸلمەيدٸ.
