فوتو: اشىق دەرەككٶز
دەپۋتات اسحات ايماعامبەتوۆ ەلەۋمەتتٸك جەلٸدەگٸ پاراقشاسىندا پسيحولوگييالىق قىزمەت سالاسىن رەتتەۋگە باعىتتالعان جاڭا زاڭ جوباسى ەزٸرلەنٸپ جاتقانىن مەلٸمدەدٸ, دەپ حابارلايدى Ult.kz.
ونىڭ ايتۋىنشا, قازٸرگٸ تاڭدا كٶشەدە سامسا ساتۋ ٷشٸن سانيتارلىق كٸتاپشا قاجەت بولسا, ادام جانىنا كٶمەك كٶرسەتەتٸن «پسيحولوگتارعا» ەشقانداي ناقتى تالاپ قويىلماعان. سونىڭ سالدارىنان كٷيزەلٸسكە تٷسكەن ازاماتتار ەلەۋمەتتٸك جەلٸلەر ارقىلى كٷمەندٸ ماماندارعا جٷگٸنٸپ, جاعدايىن ودان ەرٸ ۋشىقتىرىپ الاتىن جاعدايلار جيٸلەگەن.
دەپۋتات جالعان پسيحولوگتاردىڭ ەرەكەتٸ ٷشٸن جاۋاپكەرشٸلٸكتٸڭ جوقتىعىن سىنعا الدى. «ەگەر اسپاز حالىقتى ۋلاسا – جاۋاپقا تارتىلادى. ال ادامنىڭ تاعدىرىنا زييان كەلتٸرگەن جالعان پسيحولوگتار ٷشٸن نەگە جاۋاپكەرشٸلٸك قاراستىرىلماعان?» دەپ اتاپ ٶتتٸ ول.
جاڭا زاڭ جوباسى اياسىندا:
پسيحولوگتاردىڭ بٸرىڭعاي رەەسترٸ جاسالادى;
ماماندارعا ديپلوم تالاپ ەتٸلەدٸ;
ناقتى قۇقىقتىق جاۋاپكەرشٸلٸك ەنگٸزٸلەدٸ;
كەسٸبي قۇپييانى ساقتاۋ مٸندەتٸ بەكٸتٸلەدٸ;
پسيحولوگ پەن پسيحياتردىڭ قىزمەتٸ ناقتى اجىراتىلادى.
ايماعامبەتوۆتىڭ سٶزٸنشە, مەملەكەت پسيحيكالىق ساۋلىقتى تۇرمىستىق قىزمەت ەمەس, اسا جاۋاپتى سالا رەتٸندە زاڭ جٷزٸندە بەكٸتۋدٸ كٶزدەپ وتىر.
ول بۇل باستاما ازاماتتارعا قاۋٸپسٸز ەرٸ كەسٸبي پسيحولوگييالىق كٶمەك كٶرسەتۋ جٷيەسٸن قالىپتاستىرۋعا باعىتتالعانىن اتاپ ٶتتٸ.
