Foto: ashyq derekkóz
Depýtat Ashat Aimaǵambetov áleýmettik jelidegi paraqshasynda psihologiialyq qyzmet salasyn retteýge baǵyttalǵan jańa zań jobasy ázirlenip jatqanyn málimdedi, dep habarlaidy Ult.kz.
Onyń aitýynsha, qazirgi tańda kóshede samsa satý úshin sanitarlyq kitapsha qajet bolsa, adam janyna kómek kórsetetin «psihologtarǵa» eshqandai naqty talap qoiylmaǵan. Sonyń saldarynan kúizeliske túsken azamattar áleýmettik jeliler arqyly kúmándi mamandarǵa júginip, jaǵdaiyn odan ári ýshyqtyryp alatyn jaǵdailar jiilegen.
Depýtat jalǵan psihologtardyń áreketi úshin jaýapkershiliktiń joqtyǵyn synǵa aldy. «Eger aspaz halyqty ýlasa – jaýapqa tartylady. Al adamnyń taǵdyryna ziian keltirgen jalǵan psihologtar úshin nege jaýapkershilik qarastyrylmaǵan?» dep atap ótti ol.
Jańa zań jobasy aiasynda:
psihologtardyń biryńǵai reestri jasalady;
mamandarǵa diplom talap etiledi;
naqty quqyqtyq jaýapkershilik engiziledi;
kásibi qupiiany saqtaý mindeti bekitiledi;
psiholog pen psihiatrdyń qyzmeti naqty ajyratylady.
Aimaǵambetovtyń sózinshe, memleket psihikalyq saýlyqty turmystyq qyzmet emes, asa jaýapty sala retinde zań júzinde bekitýdi kózdep otyr.
Ol bul bastama azamattarǵa qaýipsiz ári kásibi psihologiialyq kómek kórsetý júiesin qalyptastyrýǵa baǵyttalǵanyn atap ótti.
