نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى دەنساۋلىق ساقتاۋ مينيسترٸ ەلجان بٸرتانوۆتى ٷيقاماقتا ۇستاۋ مەرزٸمٸن ۇزارتۋ تۋرالى تەرگەۋ ورگانىنىڭ ٶتٸنٸشٸن قارادى, دەپ حابارلايدى "ۇلت اقپارات".
سوت وتىرىسىنا قورعاۋشى تاراپ رەتٸندە ادۆوكاتتار سەرٸك ساعاليەۆ, دميتريي كۋرياچەنكو, نۇرلان بەيسەكەەۆ جەنە ايىپتالۋشى ەلجان بٸرتانوۆتىڭ ٶزٸ قاتىستى.
ەلجان بٸرتانوۆتى ٷيقاماقتا ۇستاۋ مەرزٸمٸن ۇزارتۋ تۋرالى ٶتٸنٸشتٸ باس پروكۋراتۋرا ٶكٸلٸ تٶلەگەن جاراسپاەۆ جەتكٸزدٸ. پروكۋراتۋرا ٶكٸلٸ ٶز سٶزٸندە ٷيقاماقتا ۇستاۋ مەرزٸمٸن تاعى بٸر ايعا – 2021 جىلدىڭ 14 ماۋسىمىنا دەيٸن ۇزارتۋدى, بٸرتانوۆقا مەديتسينالىق مەكەمەلەردەن باسقا نىساندارعا ٷيدەن شىعۋعا رۇقسات بەرمەۋدٸ سۇرادى.
ەكس-مينيستردٸڭ ٷيقاماق مەرزٸمٸ 14 مامىر كٷنٸ اياقتالۋى كەرەك بولعان. قورعاۋشى تاراپتان سٶز العان ادۆوكاتتاردىڭ ٸسكە قاتىستى دەرەكتەرٸنٸڭ مولدىعىن ەسكەرگەن سۋديا ايبەك ەبۋ سوت وتىرىسىن ەرتەڭ, 6 مامىردا جالعاستىرۋ تۋرالى شەشٸم شىعاردى.
بۇرىنعى دەنساۋلىق ساقتاۋ مينيسترٸ ەلجان بٸرتانوۆ بىلتىر ماۋسىم ايىندا قىزمەتٸنەن بوساتىلعان بولاتىن. ال كٷزدە ەكس-مينيستر بيۋدجەت قاراجاتىن ىسىراپ ەتتٸ دەگەن كٷدٸكپەن قاماۋعا الىنعان.
ەسكە سالساق, ٶتكەن ايدا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى بۇرىنعى مينيستر ەلجان بٸرتانوۆتى ٷيقاماقتا ۇستاۋ مەرزٸمٸن ۇزارتىپ, بٸراق ٷيدەن شىعۋعا رۇقسات بەرگەن ەدٸ.
دەنساۋلىق ساقتاۋ مينيسترٸ الەكسەي تسوي بريفينگٸنٸڭ بٸرٸندە بۇرىنعى مينيستردٸڭ سوت بەرگەن مٷمكٸندٸكتٸ پايدالانىپ, كوممەرتسييالىق قۇرىلىمدا جۇمىس ٸستەپ جٷرگەنٸن مەلٸم ەتكەن.
