بٸز ٶز ٸسٸمٸزدە ەڭ الدىمەن مەملەكەت مٷددەسٸن باسشىلىققا الۋىمىز كەرەك. Satbayev University باسقارما تٶراعاسى – رەكتور مەيرام بەگەنتاەۆ وسىنداي پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسىنىڭ سۇحباتىنان («حابار» تەلەارناسىنا بەرگەن ەكسكليۋزيۆتٸ سۇحباتى) تٷيگەن نەگٸزگٸ ويىم – بٸز ٶز ٸسٸمٸزدە ەڭ الدىمەن مەملەكەت مٷددەسٸن باسشىلىققا الۋىمىز كەرەك. بٸز ەرقايسىمىز ٶز ورنىمىزدا ٶز مٸندەتتەرٸمٸزدٸ اتقارا وتىرىپ, ەڭ باستى ماقساتىمىزعا – ويعا العان ٸسٸمٸز ەلگە, بارشا قازاقستاندىقتاردىڭ يگٸلٸگٸنە قانشالىقتى پايدالى بولاتىنىنا سٷيەنٸپ, ٸسٸمٸزدٸ سول مٸندەتپەن سالىستىرۋىمىز كەرەك. قاڭتار وقيعاسى كەزٸندە ونىڭ بٸرقاتار شەشٸمدەرٸن باتىس ەلدەرٸنٸڭ ساياساتكەرلەرٸ قولدامايتىنىن مەملەكەت باسشىسى, ەرينە, بٸلدٸ. الايدا لاڭكەستەرگە تويتارىس بەرٸپ, ۇلتتىق مٷددەلەردٸ قورعاۋ قاجەت بولعان جاعدايدا ول بارلىق جاۋاپكەرشٸلٸكتٸ ٶز موينىنا الدى – بۇل حالىقتىڭ قاۋٸپسٸزدٸگٸن, بەيبٸت تۇرعىنداردىڭ تىنىشتىعىن قامتاماسىز ەتتٸ», - دەدٸ مەيرام بەگەنتاەۆ.
سونىمەن قاتار ۋنيۆەرسيتەت رەكتورى پرەزيدەنت ەلٸمٸزگە ساياسي رەفورمالار قاجەتتٸگٸن مەلٸمدەگەنٸن ەسكە سالدى.
«ەلدەگٸ ەرتٷرلٸ ساياسي كٷشتەردٸڭ ەركٸن بەسەكەلەستٸگٸنە قولايلى جاعداي جاسالعاندا عانا ەكونوميكا جاڭاشا دامىپ, جاڭا جاعدايلارعا بەيٸمدەلەدٸ دەگەنگە كەلٸسەمٸن. ساياسي بەسەكەلەستٸك ەكونوميكانىڭ بارلىق قازاقستاندىقتاردىڭ يگٸلٸگٸ ٷشٸن تيٸمدٸرەك جۇمىس ٸستەۋٸن قامتاماسىز ەتەدٸ. دەگەنمەن ەلدٸڭ بولاشاق دامۋى تۋرالى ٶتكٸر قاراما-قايشى پٸكٸرلەردٸڭ قوعامدا ٷستەمدٸك قۇرۋىنان اۋلاق بولۋىمىز كەرەك», - دەدٸ م. بەگەنتاەۆ.
ونىڭ پايىمىنشا, ەڭ باستىسى, مەملەكەت باسشىسى مەن ونىڭ ەكٸمشٸلٸگٸ قاستاندىق جاساۋشىلاردىڭ باستاماسىنا از عانا ۋاقىت ٸشٸندە توسقاۋىل قويىپ, جاعدايدى ٶز باقىلاۋىنا الا بٸلدٸ.
«مەنٸڭ ويىمشا, ەگەر دە سەل عانا كەشٸككەندە, بٷكٸل ەلٸمٸز بۇدان دا ٷلكەن شىعىندار مەن كٷتپەگەن جاعدايلارعا تاپ بولار ەدٸ», - دەدٸ Satbayev University باسقارما تٶراعاسى.
