پرەزيدەنتتٸڭ ساياسي رەفورمالار توپتاماسى پليۋراليزم يدەياسىن ٶمٸردە ٸسكە اسىرۋ ٷشٸن جاعداي جاسايدى. مۇنداي پٸكٸردٸ قر پارلامەنتٸ سەناتتى اپپاراتى باسشىسىنىڭ ورىنباسارى ماكسيم سپوتكاي بٸلدٸردٸ, دەپ حابارلايدى قازاقپارات.
«تاياۋدا, الداعى سەرسەنبٸ كٷنٸ ۇلتتىق قوعامدىق سەنٸم كەڭەسٸنٸڭ كەزەكتٸ وتىرىسى ٶتەدٸ. وسىناۋ سەتكە ۇلتتىق كەڭەس بايىپتى نەتيجەمەن كەلٸپ وتىر. بۇل - بٷگٸن مەملەكەت باسشىسى قول قويعان زاڭدار جەنە تاعى بٸرقاتار زاڭ وسى اپتادا سەناتتا قارالاتىن بولادى», - دەدٸ ول.
ونىڭ اتاپ ٶتۋٸنشە, اتالعان زاڭدار وسىعان دەيٸن ٶتكەن ۇلتتىق قوعامدىق سەنٸم كەڭەسٸ وتىرىستارىندا پرەزيدەنت قاسىم-جومارت توقاەۆ جارييا ەتكەن ساياسي رەفورمالار توپتاسىنىڭ جٷزەگە اسىرىلا باستاعاندىعىن بٸلدٸرەدٸ.
«ٸس جٷزٸنە كەلگەندە, ۇلتتىق كەڭەس قىزمەتٸنە تٷرلٸ كٶزقاراسپەن قاراۋعا بولادى. دەگەنمەن, فاكتٸلەر ٶزدٸگٸنەن-اق سٶيلەپ تۇر. قوعامنىڭ, قازاقستاندىقتاردىڭ سۇرانىسىنا جاۋاپ بەرە الاتىن, قوعام كٶتەرگەن ساياسي رەفورمالار توپتاماسى بٷگٸندە جٷزەگە اسىرىلىپ جاتىر. بۇل وتاندىق زاڭناماداعى بارىنشا بايىپتى ٶزگەرٸستەر دەۋگە دە بولادى. اتاپ ايتار بولساق, جاڭا پارتييا قۇرۋ ٷشٸن تٸركەۋ شەگٸ 2 ەسە تٶمەندەتٸلٸپ, جاستار مەن ەيەلدەرگە ارنالعان كۆوتا ەنگٸزٸلٸپ وتىر. جالپى, الداعى پارلامەتتٸك سايلاۋلاردان كەيٸن جاڭا ساياسي شىنايىلىقتى كٶرەتٸن بولامىز. پرەزيدەنت قول قويعان بارلىق زاڭدار, تولىقتاي العاندا قاسىم-جومارت توقاەۆتىڭ ساياسي رەفورمالار توپتاماسى ساياسي كەڭٸستٸكتە پليۋراليزم يدەسٸن ٶمٸردە شىنايى ٸسكە اسىرۋعا جاعداي جاسايدى», - دەدٸ ماكسيم سپوتكاي.
بۇعان دەيٸن مەملەكەت باسشىسى «قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى» قازاقستان رەسپۋبليكاسىنىڭ زاڭىنا قول قويعانىن حابارلاعان ەدٸك.
