پرەزيدەنتتٸڭ كادر رەزەرۆٸ جاس بۋىن ٶكٸلدەرٸنٸڭ جاۋاپتى قىزمەتكە كەلۋٸ ٷشٸن جاسالىپ وتىرعان يگٸ باستاما. بۇل تۋرالى اقوردادا پرەزيدەنتتٸك كادر رەزەرۆكە كٸرگەن جاستارمەن كەزدەسۋ بارىسىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى "ۇلت اقپارات".
«بٷگٸنگٸ كەزدەسۋٸمٸزدٸڭ مەن-ماڭىزى ەرەكشە. قازاقتا «جٷزدەن جٷيرٸك, مىڭنان تۇلپار» دەگەن جاقسى سٶز بار. سٸزدەر پرەزيدەنتتٸك جاستار كادر رەزەرۆٸنە ٶتۋ ٷشٸن ارنايى بەيگەدە باق سىناپ, العا شىقتىڭىزدار. بەرٸڭٸزدٸ شىن جٷرەكتەن قۇتتىقتايمىن! ٶزدەرٸڭٸزگە بەلگٸلٸ, كادرلىق رەزەرۆ جاساقتاۋ ٷشٸن اۋقىمدى جۇمىس اتقارىلدى. بۇل جوباعا بٷكٸل ەلٸمٸز بويىنشا 13 مىڭ ادام قاتىستى. سونىڭ ٸشٸنەن 300 ازاماتتى ٸرٸكتەپ الدىق. ناۋقانعا قاتىسقان بارلىق قىزمەتكەرگە ريزاشىلىعىمدى بٸلدٸرٸپ, ولار نازارىمىزدا قالادى دەپ ايتقىم كەلەدٸ», - دەدٸ كەزدەسۋدٸ اشقان مەملەكەت باسشىسى.
قر پرەزيدەنتٸ ەل باسقارۋ ٸسٸنە ارالاساتىن تاڭداۋلى جاستاردىڭ قاتارىنا قوسىلۋ زور مەرتەبە ەكەندٸگٸن باسا ايتتى.
«ٶزدەرٸڭٸز سيياقتى وزىق ويلى, بەسەكەگە قابٸلەتتٸ ماماندار ەلٸمٸزگە ٶتە قاجەت. جالپى, بۇل - جاس بۋىن ٶكٸلدەرٸنٸڭ جاۋاپتى قىزمەتكە كەلۋٸ ٷشٸن جاسالىپ وتىرعان يگٸ باستاما. وسى رەتتە ٶزدەرٸڭٸز سيياقتى بٸلٸمدٸ ەرٸ تالاپتى ازاماتتارعا ٷلكەن ٷمٸت ارتامىز. سٸزدەر جاڭا قازاقستاننىڭ دامۋىنا ايانباي ٷلەس قوساسىزدار دەپ سەنەمٸن. ەلٸمٸزدٸڭ الدىندا بيٸك ماقساتتار تۇر. ەڭ الدىمەن مەملەكەتٸمٸزدٸ ودان ارى ٶركەندەتٸپ, تەۋەلسٸزدٸگٸمٸزدٸ نىعايتۋعا تيٸسپٸز. سونداي-اق, ازاماتتاردىڭ ەل-اۋقاتىن ارتتىرىپ, تۇرمىس ساپاسىن جاقسارتۋىمىز كەرەك», - دەدٸ قاسىم-جومارت توقاەۆ.
مەملەكەت باسشىسى بيلٸك پەن حالىق اراسىنداعى ٶزارا سەنٸمدٸ كٷشەيتۋ ماڭىزدى مٸندەت ەكەندٸگٸن اتاپ ٶتتٸ.
«وسىعان وراي «حالىق ٷنٸنە قۇلاق اساتىن مەملەكەت» تۇجىرىمداماسى قولعا الىندى. مەملەكەتتٸ باسقارۋ جٷيەسٸن جاڭعىرتۋ ماقساتىمەن اۋقىمدى رەفورمالار جٷزەگە اسىرىلۋدا. مۇنىڭ بەرٸ جاڭا كەزەڭگە قادام باسقان قازاقستاننىڭ يگٸلٸگٸ ٷشٸن جاسالىپ وتىر», - دەدٸ پرەزيدەنت.
