اتىراۋ وبلىسىنىڭ ەكٸمٸ ماحامبەت دوسمۇحامبەتوۆ كوروناۆيرۋس ينفەكتسيياسىنا قارسى كٷرەستە الدىڭعى ساپتا جٷرگەن مەديتسينا قىزمەتكەرلەرٸمەن ونلاين سۇحبات ٶتكٸزٸپ, ولارعا العىس بٸلدٸردٸ, دەپ حابارلايدى "ۇلت اقپارات".
ونلاين بايلانىسقا كوروناۆيرۋس ينفەكتسيياسىن جۇقتىرعاندارمەن تٸكەلەي جۇمىس جاساپ جاتقان وبلىستىق جەدەل جەردەم ستانتسيياسى مەن ينفەكتسييالىق بٶلٸمشە ورنالاسقان №2 وبلىستىق اۋرۋحانانىڭ دەرٸگەرلەرٸ قوسىلدى.
«قازٸر سٸزدەر شىن مەنٸندە مىلتىقسىز مايدانداسىزدار. ٶيتكەنٸ, كٷندەلٸكتٸ قاۋٸپ-قاتەرگە قاراماستان قاجىرلى جۇمىس ٸستەپ, بٷگٸنگٸ كٷننٸڭ قاھارماندارىنا اينالدىڭىزدار. قازاقستان مەديتسيناسىنىڭ ەرلٸككە تولى جاڭا تاريحىن جازىپ جاتىرسىزدار. حالقىمىز ٶزدەرٸڭٸزگە ٷمٸت ارتىپ, اماندىقتارىڭىزدى تٸلەپ وتىر. بٸزدٸڭ دە باستى مٸندەتٸمٸز – ەڭ الدىمەن, سٸزدەردٸ قولداۋ», - دەدٸ وبلىس ەكٸمٸ ماحامبەت دوسمۇحامبەتوۆ.
وبلىستا مەديتسينا سالاسى ماماندارىنا ٷستەمەاقى تٶلەۋ ٷشٸن 288,7 ميلليون تەڭگە بٶلٸنگەن. ناۋرىز ايىندا ونىڭ 44,5 ميلليون تەڭگەسٸ 373 قىزمەتكەردٸڭ قولىنا تيدٸ. بۇدان تىس, كوروناۆيرۋسپەن كٷرەسٸپ جاتقان دەرٸگەرلەردٸ ىنتالاندىرۋدىڭ قوسىمشا جولدارى قاراستىرىلدى. اتاپ ايتقاندا, دەمەۋشٸلەر تارتىلا وتىرىپ, 634 مامانعا كٶتەرمەلەۋ قارجىسى تٶلەندٸ. ال, 164 دەرٸگەر جەنە جەدەل جەردەم ستانتسيياسى قىزمەتكەرلەرٸ قوناقٷيلەرگە ورنالاستىرىلدى.
تٸكەلەي سۇحبات بارىسىندا №2 وبلىستىق اۋرۋحانانىڭ دەرٸگەرلەرٸ ناۋقاستاردى ەمدەۋ جولدارى تۋرالى باياندادى. مەسەلەن, ينفەكتسييالىق ستاتسيونارعا 27 ناۋرىزدان بٷگٸنگە دەيٸن 123 ناۋقاس قابىلدانعان. ونىڭ 59-ى تولىق نەتيجەلٸ ەمٸن الىپ, اۋرۋحانادان شىعارىلدى. ال, جەدەل جەردەم ستانتسيياسى ماماندارىنىڭ ايتۋىنشا, COVID-19 ينفەكتسيياسىن جۇقتىرعاندارمەن جاقىن جەنە ىقتيمال بايلانىستا بولعان ازاماتتاردى تاسىمالداۋعا 3 ارنايى بريگادا جاساقتالعان. سەۋٸردە قوسىمشا 2 ارنايى بريگادا تاعى قوسىلعان. سونىمەن قاتار, قوردا بٸر رەت قولدانىلاتىن ماسكا, ارنايى قورعانىس كوستيۋمدەرٸ, قورعانىس كٶزٸلدٸرٸگٸ جەتكٸلٸكتٸ. دەنساۋلىق ساقتاۋ باسقارماسى, دەمەۋشٸلەر, ەرٸكتٸلەر قورعانىس كيٸمدەرٸمەن ٷنەمٸ قامتاماسىز ەتٸلۋدە.
«دەنساۋلىق ساقتاۋ سالاسى ٷنەمٸ باستى نازارىمىزدا بولادى. وبلىستاعى ەربٸر مەديتسينا قىزمەتكەرٸنٸڭ ورنى بٸز ٷشٸن ەرەكشە. بۇل ٸندەتتٸ بٸرگە جەڭەتٸنٸمٸزگە سەنەمٸن. وتباسىلارىڭىزبەن تەز قاۋىشۋلارىڭىزدى تٸلەيمٸن» - دەپ وبلىس ەكٸمٸ ماحامبەت دوسمۇحامبەتوۆ مەديتسينا قىزمەتكەرلەرٸنە العىسىن بٸلدٸردٸ.
