قر اقپارات جەنە قوعامدىق دامۋ مينيسترٸ دەۋرەن اباەۆ پرەزيدەنتتٸك كادرلىق رەزەرۆتٸ جاساقتاۋ تۋرالى ايتتى, دەپ حابارلايدى قازاقپارات.
«مەملەكەتتٸك قىزمەت ٸستەرٸ اگەنتتٸگٸنٸڭ تٶراعاسى انار جايىلعانوۆا بٷگٸن باسپاسٶز مەسليحاتىن ٶتكٸزٸپ, كٶپتٸڭ كٶكەيٸندەگٸ سۇراقتاردىڭ بارلىعىنا تولىققاندى جاۋاپ بەرگەن بولاتىن. نە قوسۋعا بولادى? ەڭ الدىمەن, بۇل رەزەرۆكە ٶتٸنٸمدٸ 13 مىڭنان استام ازامات بەرگەنٸن اتاپ ٶتكٸم كەلەدٸ. بۇل – پرەزيدەنت ۇسىنعان يدەيانىڭ قولداۋ تاپقانىن دەلەلدەيتٸن ٶتە ٷلكەن كٶرسەتكٸش. ادامدار وعان سەنٸپ وتىر. مۇنداي تەرتٸپتە بٸرٸنشٸ رەت كونكۋرس ٶتكٸزٸلۋدە. مەملەكەت باسشىسىنىڭ رەزەرۆٸندە بولۋ دەگەن – زور قۇرمەت. سول سەبەپتٸ, قازٸردٸڭ ٶزٸندە ايتارلىقتاي سالماقتى لاۋازىمدا وتىرعان ازاماتتار دا ٶز ٶتٸنٸمٸن بەرٸپ جاتىر. الايدا لاۋازىمدىلار جاپپاي رەزەرۆكە كٸرۋگە نيەت بٸلدٸرٸپ وتىر دەپ تاعى ايتا المايمىز», - دەدٸ دەۋرەن اباەۆ «حابار» ارناسىنداعى «اشىق ديالوگ» باعدارلاماسىندا.
مينيستردٸڭ ايتۋىنا قاراعاندا, رەزەرۆتٸڭ كەلەسٸ كەزەڭٸنە ٶتكەن ازاماتتاردىڭ كٶبٸ - لاۋازىمى جوقتار.
«تٸپتٸ ولاردىڭ 80 پايىزىنىڭ مەملەكەتتٸك قىزمەتكە مٷلدە قاتىسى جوق. بۇل ٶتە جاقسى كٶرسەتكٸش دەپ ايتار ەدٸم. قازاقستان ٷشٸن عانا ەمەس, كەز كەلگەن مەملەكەت ٷشٸن مۇنداي كٶرسەتكٸش ٷزدٸك سانالارى انىق. سەبەبٸ بۇل – بەلسەندٸلٸكتٸڭ كٶرسەتكٸشٸ. ازاماتتار ەلەۋمەتتٸك ليفتكە سەنەدٸ. كٷردەلٸ سۇراقتارعا كەلەتٸن بولساق, بۇل ونسىز دا كٶپتٸڭ كٷتكەن ساۋالدارى ەدٸ. ەشكٸم دە وڭاي جول بولارىنا ۋەدە بەرگەن جوق. ستاۆكا تىم جوعارى. بۇل كونكۋرستا بەسەكە قىزۋ ەكەنٸن ۇعىنۋ كەرەك. سوندىقتان, ەشكٸم دە رەزەرۆ جايلى سىني سٶز ايتپاسا دا, بٸرتٷرلٸ بولار ەدٸ. بٸراق, مەن ەڭ باستىسى – نەتيجە دەپ ايتار ەدٸم. ەگەر بٷكٸل پرەزيدەنتتٸك كادرلىق رەزەرۆ ارقىلى ەلدٸ العا جەتەلەي الاتىن ەڭ ٷزدٸك 10 باسقارۋشىنى تاڭداپ الساق, ونىڭ ٶزٸ ٷلكەن جەتٸستٸك بولماق. سوندىقتان, نەتيجەگە قاراي سىن ايتساڭىزدار دەيمٸن. ال نەتيجەنٸڭ بولارىنا انىق سەنەمٸن, سەبەبٸ بۇل جۇمىستاردىڭ بارلىعى پرەزيدەنتتٸڭ تٸكەلەي باقىلاۋىندا», - دەدٸ دەۋرەن اباەۆ.
ەسكە سالا كەتسەك, بٷگٸن ٷكٸمەت ٷيٸندە قر مەملەكەتتٸك قىزمەت ٸستەرٸ اگەنتتٸگٸنٸڭ تٶرايىمى انار جايىلعانوۆا باسپاسٶز مەسليحاتىن ٶتكٸزٸپ, «پرەزيدەنتتٸك جاستار كادر ٸرٸكتەۋ قالاي جٷرگٸزٸلٸپ جاتقانىن تولىققاندى ايتىپ بەرگەن بولاتىن.
