پرەزيدەنتتٸك كادرلىق رەزەرۆ باعدارلاماسى جاستارعا دا, مەملەكەتكە دە قولايلى. مۇنداي پٸكٸردٸ پرەزيدەنتتٸك جاستار كادرلىق رەزەرۆٸنٸڭ مٷشەسٸ ولجاس سەكەنوۆ بٸلدٸردٸ, دەپ حابارلايدى قازاقپارات.
«پرەزيدەنتتٸك كادرلىق رەزەرۆ باعدارلاماسىنىڭ مەنٸ ەرەكشە. بۇل باستاما جاستارعا دا, مەملەكەتكە دە قولايلى. ٶيتكەنٸ مەملەكەتتٸك قىزمەتكە كەلگەن جاستار, جاڭا بۋىن جٷيەگە قانداي دا بٸر جاڭالىق ەنگٸزەتٸنٸ بەلگٸلٸ. ەسٸرەسە, جەكە سەكتور تۇرعىسىنان العاندا تىڭ سەرپٸن بەرمەك. مەسەلەن, كادرلىق رەزەرۆكە ەنگەن جاستاردىڭ 30 پايىزعا جۋىعى جەكە سەكتوردا, حالىقارالىق كومپانييالاردا جۇمىس ٸستەگەن نەمەسە ەلٸ كٷنگە دەيٸن سوندا جۇمىس ٸستەيدٸ. الدا-جالدا ولار مەملەكەتتٸك قىزمەتكە كەلٸپ جاتسا, تەجٸريبەسٸ مەن بٸلٸكتٸلٸگٸن ەلٸمٸزدٸڭ ەرتەڭٸ, حالقىمىزدىڭ بولاشاعى جولىنا ارناماق. ال جاستارعا كەلسەك, باعدارلامانىڭ ولارعا دا پايدالى ەكەنٸ انىق. ياعني, بٸز جەكە يدەيالارىمىزدى ۇسىنىپ, تەجٸريبەمٸزبەن بٶلٸسۋگە زور مٷمكٸندٸك تۋدى. سونداي-اق باستامانى «ەلەۋمەتتٸك ليفت» رەتٸندە دە قاراستىرۋعا بولادى. جوعارى لاۋازىمعا جەتۋ ٷشٸن مەملەكەتتٸك قىزمەتتە ەڭبەك ٶتٸلٸ قاجەت. ال كادرلىق رەزەرۆ ارقىلى بٸردەن باسقارۋشىلىق لاۋازىمعا تاعايىندالۋعا جاعداي جاسالعان. وسى ارقىلى سالاعا قانداي دا بٸر ٶزگەرٸس ەنگٸزۋگە مٷمكٸندٸك تۋادى. بۇل رەزەرۆكە ەنگەن جاستاردىڭ الداعى جۇمىس مانسابىنا وڭ ىقپال ەتەتٸنٸ انىق», - دەدٸ ول.
جاس مامان پرەزيدەنتتٸك كادرلىق رەزەرۆكە سىناق بٸرنەشە كەزەڭنەن تۇرعانىن ايتادى.
«ونىڭ تٶرتەۋٸ ونلاين رەجٸمدە جٷرگٸزٸلدٸ. ەكەۋٸندە ساراپشىلارمەن بەتپە-بەت كەزدەسٸپ, ەڭگٸمەلەستٸك. بۇل – بۇرىن-سوڭدى بولماعان تەجٸريبە دەپ ويلايمىن. ٶيتكەن مەملەكەتتٸك باسقارۋ اكادەميياسى, سونداي-اق تالانتيس, SHL دەگەن دٷنيەجٷزٸنە مەلٸم كومپانييالاردىڭ جيناعان ەدٸستەمەسٸن پايدالانىپ, مۇنداي شىنايى تٷردە باعالاۋ ٶتە تيٸمدٸ بولعانى انىق. سىناق كەزٸندە مەن ٷشٸن SHL تاراپىنان ەزٸرلەنگەن سۇراقتار وڭايعا سوققان جوق. ٶيتكەنٸ ولارعا مۇقييات ەزٸرلەنۋ قاجەت. سونىمەن قاتار بٸر مينۋت ٸشٸندە سۇراققا جاۋاپ بەرۋ دە جەڭٸل تاپسىرما ەمەس. الايدا وسىنداي قيىندىققا قاراماستان, بەرٸن سەتتٸ تاپسىرىپ شىقتىم», -دەدٸ ولجاس سەكەنوۆ.
ولجاس سەكەنوۆ ٶتكەن اپتادا رەزەرۆكە ەنگەن جاستار مەملەكەت باسشىسى قاسىم-جومارت توقاەۆپەن كەزدەسكەنٸن, سول جيىننان كٶپ نەرسە تٷيٸپ شىققانىن باسا ايتتى.
«مەملەكەت باسشىسىنىڭ سٶزٸنەن تٷيگەنٸم, پرەزيدەنتتٸڭ كادرلىق رەزەرۆٸ جوباسى بٸر رەتتٸك قانا جوبا ەمەس. جالپى, بٷكٸل ساياسي جٷيەنٸ, مەملەكەتتٸك قىزمەتتٸ ٶزگەرتەتٸن جوبالاردىڭ لەگٸ عانا. ونداي ٶزگەرٸستەر ەلٸ دە بولادى. بۇل – ٶزگەرٸستەردٸڭ باسى عانا. سوندىقتان وسىنداي ٶزگەرٸستەردٸڭ بولعانىنا, رەفورمالار جاساۋدى قولدايمىن. ٶيتكەنٸ رەزەرۆكە ەنگەن جاستاردىڭ ەرقايسى ٶز سالالارىندا قاندايدا بٸر يدەيالار مەن ٶزگەرٸستەر ەنگٸزۋگە سەپتٸگٸن تيگٸزەدٸ. جالپى, زامانداستارىما ايتارىم. جاستارعا قازٸرگٸ زاماندا ٶتە كٶپ مٷمكٸندٸك بار. سولاردى جٸبەرٸپ الماۋ كەرەك. كەز كەلگەن جوباعا قاتىسىپ, ٶز كٷشٸڭٸزدٸ سىناعىڭىز كەلسە, بٸلٸكتٸلٸگٸڭٸز بەن بٸلٸمٸڭٸزدٸ بايقاپ كٶرۋدٸ كٶزدەسەڭٸز, جوبالارعا مٸندەتتٸ تٷردە قاتىسىڭىز. مۇنداي قادام سٸزگە جاقسى ەسەر تيگٸزەتٸنٸ انىق. تٸپتٸ ٸرٸكتەۋدەن ٶتە الماساڭىز دا, كٶكجيەگٸڭٸز كەڭەيەدٸ»,- دەدٸ جاس رەزەرۆشٸ.
.jpeg)