جەكەشەلەندٸرۋ جەكە مونوپوليستەردٸڭ پايدا بولۋىنا جول بەرمەۋگە تيٸس. بٷگٸن مەملەكەت باسشىسى Samruk Business Forum وتاندىق تاۋار ٶندٸرۋشٸلەردٸ قولداۋ فورۋمى بارىسىندا وسىلاي مەلٸمدەدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
فورۋم بارىسىندا قاسىم-جومارت توقاەۆ ەكونوميكانى مەملەكەت مەنشٸگٸنەن شىعارۋ جولىندا ناقتى جۇمىستار ٸستەلٸپ جاتقانىن اتاپ ٶتتٸ.
بۇل وتاندىق كەسٸپكەرلەر مەن ينۆەستورلار ٷشٸن تاعى بٸر مٷمكٸندٸك. 2025 جىلعا دەيٸنگٸ جەكەشەلەندٸرۋدٸڭ جوسپارىنا 700-گە جۋىق مەملەكەتتٸك كەسٸپورىن ەنەدٸ.
ونىڭ 112-سٸ «سامۇرىق-قازىنانىڭ» قۇرىلىمىنا كٸرەدٸ.
پرەزيدەنت ٶز سٶزٸندە مەملەكەت مەنشٸگٸنەن شىعارۋ ساياساتىنىڭ ٷش نەگٸزگٸ قاعيداتىن اتادى.
– بٸرٸنشٸ, جەكەشەلەندٸرۋ جەكە مونوپوليستەردٸڭ پايدا بولۋىنا جول بەرمەۋگە تيٸس. ٶكٸنٸشكە قاراي, بٸزدە ينفراقۇرىلىمنىڭ نەگٸزگٸ نىساندارىن تيٸمسٸز جەكەشەلەندٸرۋ دەرەكتەرٸ بار. مەملەكەتتٸڭ ەكونوميكالىق مٷددەسٸنە نۇقسان كەلتٸرەتٸن ورىنسىز جەكەشەلەندٸرۋلەرگە جول بەرۋگە بولمايدى. مىسالى, تەمٸر جولدار مەن تۇيىقتار, ٶنٸم تاسىمالدايتىن قۇبىرلار. بۇل جٶنٸندە ٷكٸمەتتٸڭ جۋىردا ٶتكەن وتىرىسىندا ايتتىم. مۇنداي ولقىلىقتارعا ەندٸ جول بەرمەۋ كەرەك. بۇعان ٷكٸمەت پەن قور جاۋاپتى. ەكٸنشٸ, اكتيۆتەردٸ جەكەگە ساتۋ بيۋدجەتكە تٷسەتٸن سالماقتى ازايتۋعا سەپتٸگٸن تيگٸزۋٸ قاجەت. جەكە كومپانييالار ٶز تابىستارىنىڭ باسىم بٶلٸگٸن بيۋدجەتتٸك تاپسىرىستاردان, جەڭٸلدٸكتەردەن, گرانتتاردان جەنە باسقا ارتىقشىلىقتاردان ەمەس, ٶز تاۋارلارىن ەكسپورتقا شىعارۋ جەنە كٶرسەتەتٸن قىزمەتتەرٸ ارقىلى نارىقتان تابۋى كەرەك. ٷشٸنشٸ, جەكەشەلەندٸرۋدٸڭ ناقتى ەكونوميكالىق قايتارىمى بولۋى تيٸس. كەز كەلگەن كەسٸپورىندى جەكەشەلەندٸرۋدٸ ونىڭ تيٸمدٸلٸگٸن جاقسارتۋ, ۇلتتىق ەكونوميكاعا قوساتىن ٷلەسٸن ارتتىرۋ دەپ تٷسٸنۋ كەرەك, – دەدٸ قاسىم-جومارت توقاەۆ.
وسى رەتتە پرەزيدەنت جەكەشەندٸرۋدٸڭ بارلىق پروتسەسٸنٸڭ اشىق ٶتۋٸنە ەرەكشە توقتالدى.
– جەكەشەلەندٸرۋ مەملەكەتتٸك مەنشٸككە قاتىستى بولعاندىقتان ازاماتتارىمىز ونىڭ بارلىق شارتىن بٸلۋگە قۇقىلى. قوعامدىق باقىلاۋ – جەكەشەلەندٸرۋ پروتسەسٸنٸڭ بارلىق كەزەڭٸنٸڭ تيٸمدٸ ەرٸ اشىق ٶتۋٸنٸڭ پەرمەندٸ قۇرالى. ٷكٸمەت پەن قورعا تيٸستٸ تاپسىرما بەرٸلدٸ. قوردىڭ ٸرٸ كومپانييالارىنا قاتىستى ايتساق, «حالىقتىق IPO» ارقىلى جەكەشەلەندٸرۋ ٶتە ٶزەكتٸ بولماق. ٶز قارجىسىن تيٸمدٸ پايدالانعىسى كەلەتٸن ەلٸمٸزدٸڭ ەربٸر ازاماتى ۇلتتىق بايلىقتىڭ بٸر بٶلٸگٸن يەلەنۋگە مٷمكٸندٸك الۋى تيٸس, – دەدٸ مەملەكەت باسشىسى.
